"كنت مسروقة وبتساوم على فلوس".. تطور بواقعة ابتزاز حورية فرغلي

أعلنت الفنانة حورية فرغلي استعادتها لصفحاتها عبر مواقع التواصل الاجتماعي، بعد أن ابتزها بعض الأشخاص مقابل مبلغ مالي. 

الابتزاز الإلكتروني

وظهرت حورية فرغلي من خلال بث مباشر عبر حسابها الرسمي على موقع التواصل الاجتماعي "فيسبوك" قالت فيه: "السوشيال ميديا بتاعتي في خلال ال4 سنين اللي فاتوا كانت مسروقة مني ومكنتش أنا اللي بكتب أي حاجة على الصفحات".

وتابعت فرغلي: "كان في ناس ماسكين السوشيال ميديا وبيبتزوني علشان ياخدوا فلوس مقابل إنهم يرجعولي السوشيال ميديا بتاعتي".

مش عارفة أدافع عن نفسي

واستكملت حورية فرغلي أثناء حديثها في اللايف: "أنا اضطريت أمشي قانوني لإن أنا بقالي 4 سنين مش عارفة أتفرج ولا أرد على أي حاجة ومكنتش عارفة أقرأ أي كلام بيتكتب عليا حتي لو كان في إشاعة مثلا مكنتش بعرف أطلع وأدافع عن نفسي". 

وأضافت: "الصفحة دي كانت معايا من حوالي 7 سنين وقالوا إنهم مش هيرجعوهالي إلا لو اديتهم فلوس وأنا طبعا مديتهومش فلوس علشان هما ميستحقوش الفلوس دي لإن ده اسمه سرقة".

آخر أعمال حورية فرغلي

يذكر أن آخر أعمال الفنانة حورية فرغلي، مسلسل “أيام”، الذي سبق عرضه في عام 2021، وشارك في بطولته نخبة من النجوم ومن بينهم: أحمد صفوت، ولقاء سويدان، وسلوى الخطاب، وشيري عادل، ورياض الخولي إلى جانب عدد اخر من الفنانين، والعمل من تأليف سماح الحريري، ومن إخراج محمد أسامة.