اليوم.. محاكمة المتهمين بإنهاء حياة ممرض المنيا مينا موسى

الممرض مينا موسى
تنظر محكمة جنايات القاهرة المنعقدة بالعباسية، اليوم الأحد 22 ديسمبر، ثاني جلسات محاكمة المتهمين بإنهاء حياة ممرض المنيا مينا موسى بمنطقة الزاوية الحمراء.
وكان “تليجراف مصر”، حصل على نص التحقيقات الخاصة بالمتهم الثاني في واقعة مقتل ممرض المنيا مينا موسى، داخل شقة رجل مسن في منطقة الزاوية الحمراء بالقاهرة.
وجاءت أقوال المتهم الثاني الذي يعمل موظفًا في مطعم أسماك على النحو التالي:
س: ما اسمك؟ وما طبيعة علاقتك بالمجني عليه؟
ج: أنا اسمي مصطفى وعندي 35 سنة وبشتغل عامل في مطعم ومعرفش مينا إلا عن طريق إبراهيم صاحبي كلمني وقال لي إنه معاه مصلحة كويسة وإننا هنخطف شابًا ونطلب فدية وناخد قرشين حلوين ونسيبه بعدها ومكنتش عارف أن الموضوع هيكبر كدا.
س: هل اختطفت المجني عليه وكيف فعلت ذلك؟
ج: أنا مخطفتوش إحنا اتفقنا معاه هنقابله في الزاوية الحمراء، ولما جه طلعنا بيه الشقة ومكنتش أعرف شكله ولا تواصلت معاه.. إبراهيم هو اللي كان بيكلمه طول الوقت وبيتابع معاه.
س: هل طلبت فدية من أسرة المجني عليه ووالده؟
ج: أنا اتصلت بوالده وطلبت منه فلوس زي ما إبراهيم طلب مني وقلت لهم عايزين 120 ألف جنيه وبعدها إبراهيم طلب مني أنزل أجيب إيصالات أمانة نمضي مينا عليها دا كل اللي حصل.
واستكمل المتهم الثاني اعترافاته قائلًا: لما نزلت مفيش 10 دقائق وإبراهيم كلمني قال لي إن مينا حاول يهرب فضربه على راسه ومات فكرت أهرب ولكن بعدها قلت هرجع وأكيد مينا مغمى عليه بس لما رجعت اكتشفنا أنه مات فعلًا فخدناه على الحمام وقطعنا جثته وحطيناها في شنط كتير وبقينا نرميها في مقالب الزبالة وترعة الإسماعيلية وللكلاب في الشارع ورجعنا نضفنا البيت وهربنا، وحاولنا ناخد الفلوس بأي شكل من أبوه عن طريق إننا نبعت له تسجيلات صوتية تأكد له أنه عايش عشان يدينا الفلوس".
استدراج باستخدام الهاتف
وكان المتهمان أدليا في وقت سابق بأقوالهما أمام جهات التحقيق، واعترفا باستدراجهما المجني عليه، باستخدام الهاتف والإلحاح عليه لمدة أسبوع كامل للعمل معهما ممرضًا بمنزل رجل مُسن.
وأوضح المتهمان في التحقيقات: "كلمناه في التليفون أكتر من مرة وطلبنا منه يبعت الـ(CV) بتاعه لينا، وإننا بنشتغل ممرضين زمايله وجت لنا فرصة عمل، في البداية مكنش مصدق وبعدها طلبنا منه يوم الواقعة يقابلنا بس بدون ما يركب أي مواصلة بحجة أننا قريبين من بيته".

أخبار ذات صلة
انهيار منزل قديم مهجور بمنطقة بحري في الإسكندرية
04 أبريل 2025 05:21 م
وفاة مفاجئة لعضو غرفة طوارئ محافظة الغربية أثناء أداء عمله
04 أبريل 2025 05:19 م
نشوب حريق فى سيارة نقل بشارع الـ 16 بقنا
04 أبريل 2025 05:06 م
إصابة 4 أشخاص إثر تصادم سيارتين على كوبري الجبلاو بقنا
04 أبريل 2025 04:49 م
وفاة طالب حقوق بعد صراع مع المرض بقنا والكلية تنعاه.. ما القصة؟
04 أبريل 2025 04:46 م
قتيل داخل محل "بلاي ستيشن" بحلوان.. الداخلية تكشف الكواليس
04 أبريل 2025 11:40 ص
"مات وسره معاه".. شهود يروون تفاصيل اتهام مسن بالتحرش بطفلة الطالبية
04 أبريل 2025 04:19 م
الداخلية تلقي القبض على بطل واقعة باب الشعرية
04 أبريل 2025 04:14 م
أكثر الكلمات انتشاراً