أرسلت الفكرة للبطل.. هاجر الإبياري تُلمح بسرقة "اللحظات اللذيذة"

كشفت المؤلفة هاجر الإبياري زوجة الفنان محمد دياب، عن سرقة عمل فني يعود لها من قِبل فنان مشهور بدون ذكر اسمه.

وقالت هاجر الإبياري، عبر حسابها الرسمي على موقع "فيسبوك"، اليوم الأربعاء، "أنا من فترة، مش طويلة، اتفرجت على فيلم كوميدي لذيذ جدًا، ولقيت فيه خط كامل متاخد من فكرة كنت بعتها للفنان اللي قام ببطولة الفيلم اللذيذ ده، وساعتها كبرت دماغي وسكت خالص، وقولت مش مهم، مدام هو قبل على نفسه، ربنا يسامحه".

وتابعت الإبياري: “النهارده بقى لقيت باقي الفكرة عاملها في عمل فني تاني، بكل بجاحة، وهو كان قايلي نصًا إنها فكرة فانتازي أوي وتخوف، طيب لما هو كده بتعملها ليه!!”.

وواصلت: "لو افترضنا إن الفكرة جاتلك من مؤلف تاني، ومش إنت اللي اقترحتها بعد ما أنا بعتهالك، ليه مقولتش للمؤلف ده أنها بالفعل جتلك قبل كده".

وأضافت الإبياري: "بصراحة موقفك غريب، وأنا محبتش أكلمك، عشان عارفة إن ردودك مش هتفيد، والموضوع مالوش حل، بس السؤال بقي هنفضل كده لحد إمتى!؟".

أبرز التعليقات

وأنهالت التعليقات على منشور هاجر الإبياري، بالسؤال عن الفنان الذي أقدم على سرقة عملها الفني، وقال البلوجر الشهير بولا سالم: "طب أول حرفين وإحنا نخمن الاسم".

لترد عليه هاجر قائلة: "لو ركزت في الكلام هتعرفه لوحدك"، لتنهال التعليقات مؤكدين أن الفيلم المسروق هو "فاصل من اللحظات اللذيذة".

فيلم فاصل من اللحظات اللذيذة 

يُذكر أن فيلم "فاصل من اللحظات اللذيذة"، سبق عرضه في دور العرض السينمائية في الآونة الأخيرة.

ويضم فيلم فاصل من اللحظات اللذيذة، نخبة من نجوم الفن، أبرزهم: "هشام ماجد، هنا الزاهد، دينا الشربيني، محمد ثروت، محمد عبدالرحمن، بيومي فؤاد، ونانسي صلاح، ومن إخراج أحمد الجندي، وإنتاج أحمد السبكي.