ريهام سعيد لطبيب التجميل نادر صعب: “انت وقعت مع واحدة غلط”

ريهام سعيد
مي فهمي
عاودت الإعلامية ريهام سعيد، الحديث عن تشويه وجهها، إثر عملية التجميل التي خضعت لها مؤخرًا على يد الطبيب اللبناني الشهير نادر صعب.
وردت ريهام سعيد في فيديو عبر صفحتها الرسمية عبر موقع “فيسبوك”، على إدعاءات طبيب التجميل نادر صعب، بأنها اتهمته بتشويه وجهها بسبب مطالبته لها بسداد باقي تكاليف العملية الجراحية، وهي 15 ألف دولار.
“ربنا ابتلاني.. وشي راح”
وبدأت ريهام سعيد حديثها في الفيديو، قائلة: “ناس كتير شمتت فيا بعد ما اتشوهت، وربنا مبيدش أكتر من طاقة البني أدم، وأنا وربنا ابتلاني ووجعني، عشان أحس بيه، وأجيب حق الناس من دكاترة التجميل الفشلة”
وأضافت ريهام سعيد: "وشي راح، وربنا قادر ينصرني، ووكلني آخد حق الناس اللي ضاعت حقوقهم واتأذوا من الدكاترة، ولازم لما دكتور يغلط يعرف إنه مستقبله ضاع، مش مجرد هياخد جزا 3 شهور وتعدي".
القضية مستمرة
وتابعت ريهام سعيد: "القضية هتفضل مستمرة مش تريند وخلاص، أنا مستقبلي ضاع وكل حاجة ضاعت وأنا هكمل، ولا الفلوس ولا النفوذ هتنتصر، ومعايا واتساب وأنت بتقول إني محتاجة وقت عشان وشي يرجع طبيعي".
أضافت ريهام سعيد: "قررت تفبركلي صوت بتكلم فيه عن دكتور تاني مات، كان حقنلي زمان مكان غلط واتحلت وكنت جيالك قمر، وأنت نزلتلي فيديو قبل العملية بتاعتك وأنا كنت وقتها زي القمر، وبتقول إني دفعت 10 الأف دولا وعليا 15 ألف دولار، فهل طبيعي أني عشان مدفعتش شوهت نفسي، طيب فين الطب الشرعي".
صراخ وبكاء
وأضافت سعيد:" أنا مش هدفع 25 ألف دولار في عملية يعني 2 مليون جنيه ونص، لو دفعت المبلغ ده ربنا يحاسبني، ولو معايا مش هدفعها في أي تجميل.. الأولى إني أجوز أبني أو بنتي، ولو افترضنا إني مدفعتش فأنت يعني أدتني على قد فلوسي، طيب فين فيديوهات كاميرات العيادة وأنا جيالك بصرخ وبعيط ومعايا صاحبتي لبنانية شاهدة، ودخلتني بعدها العمليات مرتين شوهتني أكتر".
واختتمت سعيد حديثها قائلة: "كتير حذروني من إني مرفعش قضايا عشان نفوذك، لكن أنا هرفع في لبنان ودبي والعراق، وأنت وقعت مع واحدة غلط مش هتسيب حقها، أنا خلاص مستقلبي وشغلي راح، وربنا هيوقفلي ولاد الحلال حتى لو هقعد 15 سنة في المحاكم وكل يوم هروح في حتة عشان آخد حقي".

أخبار ذات صلة
بعد أيام من وفاة والدتها.. زوجة الفنان نضال الشافعي تفارق الحياة
03 أبريل 2025 08:36 م
عرض فيلم "المشروع X" لـ كريم عبد العزيز بدور السينما في هذا الموعد
03 أبريل 2025 08:32 م
ياسر جلال يكشف حقيقة وجود جزء ثان من مسلسل "رحيم" بعد 8 سنوات
03 أبريل 2025 06:24 م
أحمد مالك: "ولاد الشمس" مقتبس من الواقع.. وتعبت كتير عشان فورمة ولعة
03 أبريل 2025 05:31 م
آخرهم أيبوكي بوسات وحبيبها.. حملة الطرد مستمرة في حق الممثلين الأتراك
03 أبريل 2025 05:10 م
العوضي يتفوق على ياسمين عبدالعزيز.. الأعمال الأكثر مشاهدة في رمضان
01 أبريل 2025 08:53 ص
لم يكن تمثيلًا.. أحمد مالك يكشف كواليس مشهد وفاة مفتاح في "ولاد الشمس"
03 أبريل 2025 04:30 م
مايا دياب تتصدر الترند بإطلالة الأخطبوط
03 أبريل 2025 02:58 م
أكثر الكلمات انتشاراً