"خايف تكون مزورة".. فائز بـ"مدفع رمضان" يرفض استلام الجائزة

محمد رمضان

A . .A

يواصل الفنان محمد رمضان توزيع جوائز برنامج مدفع رمضان الحلقة الثانية عشرة، والتي عرضت مساء اليوم الأربعاء عقب المغرب مباشرة عبر قناة DMC.

وقال محمد رمضان: “أهلا بيكم صوم مقبول وإفطار شهي ويا رب دايما متجمعين على شاشة واحدة، نبدأ قذيفة من مدفع رمضان الفقرة الأولى الحالتين القدرية صفة وصف لشخص والتانية نصيب واللقى نصيب ونشوف مين يستحق الفرحة وبنتلكك طبعا لأن المكان اللي إحنا فيه بنصنع الفرحة حتى لو الشخص مكسبش”.

وتابع رمضان: "أعلى درجات الرحمة بشوفها على الشيء غير العاقل اللي هو الحيوان اللي مش بيعرف يشتكي يتكلم يقول جعان".

جوائز برنامج مدفع رمضان

ووقع اختيار محمد رمضان على رجل مسن يصطحب حماره بأرض زراعية، ودار حوار بينهما كالتالي:

محمد رمضان: مبروك كسبت.
الفائز: هديتي إزاي أوعى تكون مزورة.
رمضان: إزاي يعني يا حاج هتكون مزورة محمد رمضان هديتي فلوس مزورة إزاي.
الفائز: أنا معرفش.
رمضان: لا شوفها إزاي مزورة.
الفائز :لا أنا مبعرفش.
رمضان: لا شوف لو مزورو ابقى ارفع علينا قضية اتفضل يا حاج.
الفائز: لا مش عايز.
رمضان: لا إزاي.
الفائز: تعالى عند العابد (مكان سكنه) ممكن آخدهم هناك.
رمضان: طب خدهم هنا.
الفائز: لا تعالى هناك وقول أبو أحمد.
رمضان: ليه خايف يقعوا منك.
الفائز: آه.
رمضان: ماشي يلا وأنا معاك.
الفائز: تمام.
رمضان: عارف جعفر العمدة.
الفائز: آه.
رمضان: أنا جعفر العمدة بجد.

وعلقت زوجة الفائز على الجائزة قائلة: "محمد رمضان مبيزورش إحنا عارفين مسلسلاتك كلها، وربنا يخليك وهات أبوس راسك، اجيب بها دبيحة وأفرقها على أهل الله".

عربية مدفع رمضان

وانتقل محمد رمضان على الفقرة الثانية من تحقيق الأحلام، ووقع اختياره على حلم رجل يدعى طارق محمود عباس من بحري اسكندرية، وحلمه: “أسدد القرض اللي عليا”.

وعلق محمد رمضان على الحلم قائلا: "وإحنا وفينا وحلمك اتحقق ومهما كان قرضك بكام اتسدد ويا بخت من كان ليه ومكنش عليه وأنت راجل مخلص علشان مش كتبتب أي رقم وخلاص فدا يدل على أنك راجل مخلص وأنا جاهز أساهم في سداد قرضه مهما كان رقمه وتحياتي له وتحياتي لمنطقة الإسكندرية".