بسبب "سيد الناس".. ياسين السقا لمنتقديه: "ليه الشتيمة بالأب والأم"

علق الفنان الشاب ياسين السقا، على الانتقادات الحادة الذي يتعرض لها بعدما شارك في دراما رمضان 2025، من خلال مسلسل “سيد الناس”، بطولة الفنان عمرو سعد.

ووجه ياسين السقا، عبر حسابه الرسمي على “إنستجرام”، رسالة لكل من انتقده وهاجمه بسبب شخصية “طارق” في “سيد الناس”، حيث كتب: “أولًا عايز أقول لكم عيد سعيد ويا رب يكون خير عليكم وعلى كل حبايبكم وعلينا جميعًا”.

وتابع: “أنا كنت عايز انزل البوست دا بقالي فترة، بس كنت بفكر أكتب إيه، في ناس زعلانة من منشور نزلته من كام يوم واتهاجمت عليه كتير، وللأسف في ناس زعلت مني، واللي في بالي دول بعتذر لهم، لأن في ناس فعلًا بتنتقد باحترام، حتى لو الدور مكنش كبير ومش مفهوم أوي من الجمهور”.

وواصل السقا: "أنا متقبل دا تمامًا، ودخلت المسلسل وعارف دا، وفيه الحمد لله اللي فهموا الدور واللهجة والكلام المكسر دا، عشان طارق عايش طول عمره في لندن".

سبه بأمه وأبيه

وأضاف ياسين السقا: “الأغلبية من الناس اللي هما فاكرين نفسهم نقاد كانوا بيستخدموا الشتايم وبيتنمروا وبيجيبوا سيرة والدي ووالدتي، لمجرد بس إن والدي أحمد السقا”.

وزاد: "في ناس مجرد أن دا والدي، وفي ناس مش بتحبه شخصيًا، فمكنش لازم يشتموني ويجيبوا سيرة الأم والأب، وحتى يدعوا عليا بالموت، وكان في كتير منهم كدا".

اللي خلف مامتش

وتابع نجل الفنان أحمد السقا: "أحب أقول للمحترمين إني بعتذر لهم على المنشور اللي نشرته بتاع الأسد، ودا مش موجه ليكم أبدًا، وللحاقدين ربنا يهديكم، أنا هنجح وهتشوفوا اللي خلف مامتش".

أبطال مسلسل “سيد الناس”

يضم مسلسل "سيد الناس" مجموعة من ألمع النجوم في عالم الفن، الذين يساهمون بأدائهم في جعل المسلسل من الأعمال المميزة في رمضان، ويتصدر بطولته الفنان عمرو سعد، وإلى جانبه:

• أحمد زاهر
• خالد الصاوي
• إلهام شاهين
• طارق النهري
• بشرى
• أحمد رزق
• ريم مصطفى
• منة فضالي
• إنجي المقدم
• رنا رئيس
• أحمد فهيم
• سلوى عثمان