والد زيزو: اللعب للأهلي مش حرام.. ونجلي لن "ينتحر" واسألوا شيكابالا

علق مصطفى سيد زيزو، والد أحمد مصطفى زيزو، لاعب نادي الزمالك، على تجميد نجله واستبعاده من مباراة ستيلينبوش بطل جنوب أفريقيا، ردا على توقيعه للأهلي في مارس الماضي. 

ميدو ينزل يلعب بكرة مكان ابني

وقال مصطفى زيزو في تصريحات لبرنامج ستاد المحور مع الإعلامي خالد الغندور: "عادي وبراحتهم ينزلوا يلعبوا وميدو ينزل يلعب بكرة مكان ابني، لأنه هو السبب في تطفيشه، وحاليا هو اللي بيدير النادي مش حسين لبيب".

ابني مش هينتحر أو هيموت بسبب تجميده

وأضاف والد زيزو: "ابني مش هينتحر أو هيموت بسبب تجميده في الزمالك، ابني محتاج يريح أعصابه واسألوا شيكابالا لأن ابني طلب منه يتواصل مع مجلس الزمالك الشهور الماضية من أجل تجديد عقده".

وتابع: "طالما مش عاوزين يجددوا لابني ولا عاوزين يقدروه كنجم زملكاوي وحقق بطولات مع الفريق، يطلعوا يواجهوني في الإعلام ويقولوا كده، واللعب في الأهلي مش حرام، وأنا مش مطلوب مني أقول أنا وقعت على عقد أو اتفاقية مع الأهلي أو أي ناد، أنا حر لأننا انتظرنا مجلس حسين لبيب كتير ومعملش حاجة وأنا مش هبوس على أيديهم عشان يتعاملوا بشفافية في ملف تجديد ابني".

وأكمل والد زيزو: "مجلس الزمالك فيه شخصيات محترمة مثل هاني بيرزي وعمرو أدهم وحسين السيد لكنهم مش أصحاب القرار وتم إبعادهم عن ملف زيزو لأنهم رفضوا تسليمه للجماهير".