"لا شغل ولا مأوي".. مأساة عزبة الورد يرويها المتضررون بالدموع (فيديو)

في مشهد مأساوي، استيقظت عزبة الورد التابعة لمنطقة الشرابية على صوت سيارات الإطفاء وصفارات الإسعاف، بعدما اندلع حريق هائل فجر اليوم في عدد من مخازن الأخشاب، ما تسبب في خسائر فادحة لأصحاب المخازن والعاملين بها.

الحريق الذي لم تُعرف أسبابه بشكل رسمي حتى الآن، التهم ما لا يقل عن 20 مخزنًا، وسط جهود مضنية من قوات الحماية المدنية للسيطرة على النيران ومنع امتدادها لمناطق مجاورة.

عدسة "تليجراف مصر" انتقلت إلى موقع الحريق والتقت بعدد من المتضررين، الذين رووا تفاصيل الليلة القاتمة، بعيون محمّلة بالدموع وقلوب محروقة على لقمة العيش.

النيران التهمت 20 مخزنًا

وقال أحد المتضررين من حريق الشرابية: "احنا صحينا على التليفون بيقولوا قوموا المخازن بتاعتكم ولعت، ومحدش عارف السبب الرئيسي لحد دلوقتي، بس النار بدأت في مخزن واحد، وبعدها التحم في الباقي، ميقلوش عن 20 مخزن ولعوا".

وفي مشهد يعكس قوة الصدمة، أضاف آخر:"احنا قفلنا المخزن الساعة 11 وروّحنا على السكن في منطقة الخصوص، لقينا تليفون الساعة 2:30 بيقولوا في حريق .. جينا لقينا كل حاجة بقت رماد".

وأكمل المتضرر حديثه: "احنا المرة دي هنبنيها طوب، مش هنعمل المخازن خشب تاني، نفسنا نطور ونعملها طوب عشان متولعش تاني، تعبنا كل شوية الحريقة تيجي على اللي ورانا وقدامنا".

 وأضاف "المنطقة دي تجارية من أيام أجدادنا من كام سنة فاتوا .. بس الشغل هنا يوم بيوم، العامل شغال باليومية بـ200 جنيه، ومعظمهم مغتربين جايين من أسيوط .. دلوقتي نايمين على القهوة بره، لا شغل ولا مأوى".

وفي النهاية، ناشد المتضررين المسؤولين بضرورة التدخل والدعم السريع لإعادة بناء المخازن، خاصةً إنها مصدر دخلهم الوحيد.