إبراهيم سعيد: صلاح "بيحاربني.. اللي بيحصل ده عيب"

محمد صلاح
محمد فتحى
شن لاعب النادي الأهلي ومنتخب مصر السابق، إبراهيم سعيد، هجومًا ناريًا على نجم فريق ليفربول الإنجليزي، محمد صلاح، واتهمه بمحاربته عبر تدبير "حملة" ضده.
وقال سعيد عبر برنامجه المذاع على شاشة قناة "النهار": "محمد صلاح بيلعب معايا لعبة، وأنا بحب المباريات، ودي لعبتي، وفي مواقف كتير بتأكد أنه شاغل دماغه بيا، وهو لو حطني في دماغه، ممكن ده يبعده شوية".
وأضاف سعيد: "الرزق ده بتاع ربنا، الحاجات اللي بتحصل دي عيب، واللي بتعمله بيوصلني، لما اتكلمت عليك اتكلمت في مواقف مع منتخب مصر ماتكلمتش على محمد صلاح لاعب ليفربول".
وتابع: "الأساليب اللي بتحصل معايا مش كرة، بس مش مشكلة أنا معاك وحاول مرة تانية وتالتة ورابعة، وممكن تكسب وممكن تخسر، بس انا بحب أتعامل في الحاجات دي بطريقة أفضل".
وأكمل لاعب منتخب مصر السابق: "أكتر واحد وقف معاك هو إبراهيم سعيد، وانت عارف ومتأكد لأن مفيش حاجة بتفوتها وبتتابع كل حاجة، وسيبك من كلام مش بتابع، انت بتتابع كل حاجة".
وواصل مدافع الأهلي الأسبق: "انت مستغرب أن إبراهيم سعيد بينتقدك، آه بنتقدك، انا كابتنك، وموضوع أنك تلعب اللعب ده مش حلوة، لأنك مش فوق النقد، ومن مصلحة الكرة المصرية انك تتعرض للنقد".
وقال سعيد موجها حديثه إلى صلاح: "نفسي أشوف محمد صلاح بتاع زمان، المتواضع اللي كان بيبقى ماسك المصحف في إيده، وسيبك من الكتب والحاجات اللي بتنزلها دي مابتأكلش عيش، عايز أشوف محمد صلاح اللي بيقدر كل الناس".

أخبار ذات صلة
صفحة الزمالك تتغنى بأرقام زيزو.. هل تلمح إلى التجديد؟
04 أبريل 2025 04:56 م
تركه بالمطار.. كوميديا سوداء في نادي الزمالك بطلها "كوفي بيكوي"
04 أبريل 2025 04:52 م
مفاجأة مدوية.. يورجن كلوب رفض التعاقد مع صلاح
04 أبريل 2025 04:32 م
"يوم حزين وسعيد".. جوارديولا يعلق على رحيل قائد مانشستر سيتي
04 أبريل 2025 03:30 م
دي بروين يرحل عن مانشستر سيتي.. هل ينتقل إلى دوري روشن؟
04 أبريل 2025 02:19 م
بعد اعتداء مورينيو.. فنربخشة يسخر من مدرب جلاتا سراي
04 أبريل 2025 12:48 م
بسبب مكان النوم.. شجار حاد بين نجم ليستر سيتي ورود فان نيستلروي
04 أبريل 2025 12:17 م
نجم إيفرتون "مهدد بالقتل" بسبب ماك أليستر.. ماذا قالت زوجته؟
04 أبريل 2025 12:10 م
أكثر الكلمات انتشاراً