البلوجر نيرة كمال تخلع الحجاب وتثير الجدل (صور)

تصدرت البلوجر نيرة كمال “تريند” موقع التواصل الاجتماعي “فيسبوك”، بعدما ظهرت في مقطع فيديو باكية بعد قرارها بخلع الحجاب.

البلوجر نيرة كمال

وقالت البلوجر في مقطع الفيديو "الناس بتقولي اقلعي الحجاب أو الطرحة طارت أو أنت تسيئ لسمعة الحجاب وكلام زي فيه طرحة باينة من شعرك.. أنا مش عارفة ليه ممكن حد يؤذي حد بالكلام ده ويكون فاهم أن الشخص مش هيتأثر".

مقطع الفيديو لاقى رواجًا واسعًا، حيث نشره مستخدمو مواقع التواصل الاجتماعي، وانهالت التعليقات الساخرة على البلوجر وكان من بينها "يعني الناس بتقولك كدة تقومي قالعاه!".

واحدة من رواد مواقع التواصل الاجتماعي قالت "أنا مكنتش مشهورة ولا حاجة والناس كلها كانت بتهاجمني على لبسي وطرحتي وكل حاجة.. والحمد لله الذي هداني بجد دلوقتي بقيت بعشق العبايات وبداري كل حتة فيا".

فيما سخرت ثانية من البلوجر قائلة "إيه بقى صليتي استخارة قولتي اقلع الحجاب إيه بقى اللي بيحصل ده؟".

بينما علقت ثالثة بقولها "وكلهم آتيه يوم القيامة فردًا"..ورابعة قالت "يعني إنتي شايفة إن ده الحل السليم".

كيف ردت البلوجر؟

لم تتحمل نيرة التعليقات فقررت حذف مقطع الفيديو واستبدلته بآخر قائلة "أنا نزلت فيديو وأنا في حالة ضعف واللي بيني وبين ربنا هيفضل بيني وبين ربنا.. عاوزة أقولكم إن فيه ناس بتنتحر من كلام الناس والإنسان خطاء".

وتابعت نيرة "حتى لو فيه حلو في الإنسان اكتر من الوحش بردو هيفضل خطاء.. أنا غلطت أما طلعت قدام الناس مش إنتوا اللي انا اعيط ليكوا أنا أعيط لربنا عشان يهديني تاني.. اللي بينصح حد بينصح باحترام والله أعلم مين عند ربنا أحسن".

وكتبت نيرة في خاصية ستوري عبر موقع “إنستجرام” "عارفة إن مفيش حد منكم يستحق يشوف ضعفي لأنكم أخدتوا على دور التمثيل والتريندات والناس النضيفة منكم عارفين معنى القهر والضعف إنما الناس الوحشة فانتوا ملكوش مكان غير أنكم ناس مؤذية".

وتابعت “وانتوا بردو ملكوش الحق تدخلوا في حياتي ومش هسمح لأي حد يغلط فيا أو يهيني لمجرد إنه شايفني ضعيفة قدامه، وأنا بعمل الفيديو كنت ضعيفة قدام ربنا وزعلانة من قراري حتى لو جه في وقت ضعف، أنا عارفة إن ربنا هيهديني تاني عشان أنا مش وحشة من جوايا ومش مسامحة أي بنت أو ولد غلطوا فيّ”.