ريهام سعيد تنفي اعتزالها الإعلام والتمثيل وتهاجم مروجي الشائعة: "مش هسيبهم"
الإعلامية ريهام سعيد
داليا أشرف
نفت الإعلامية ريهام سعيد، مقدمة برنامج "هي وصبايا" المذاع على قناة "هي"، اعتزالها الفن والتمثيل، مؤكدة أنها ستتخذ كل الإجراءات القانونية ضد من نشر وروج شائعة اعتزالها.
الإعلامية ريهام سعيد
وظهرت الإعلامية ريهام سعيد، خلال بث مباشر عبر صفحتها الرسمية بموقع فيسبوك، مهاجمة بعض المواقع الإخبارية التي نشرت خبر اعتزالها، قائلة، "عايزة أوجه رسالة للست اللي مش عايزة تسيبني في حالي، الحملة الممنهجة اللي بتتعمل دلوقتي إن ريهام سعيد اعتزلت الإعلام والتمثيل والأخبار كلها نازلة مع بعض بنفس الصيغة، ناس قعدوا امبارح وقرروا يقضوا على الست دي لمجرد إنها موفقة في قناة هي".
أضافت سعيد، "أنا كتبت امبارح إني هعمل لايف في صلاة الفجر عشان نختم القرآن، بعدين لقيت إني نفسيًا مش قادرة، موضوع وشي لسة مش قادرة اتغلب عليه، لسه مضايقني، فقولت سامحوني أنا هبعد فترة لحد ما ارجع نفسيتي، وإإن شاء الله ربنا معايا وأرجعلكم تاني".
حقيقة اعتزال ريهام سعيد
تابعت، "فجأة لقيت ولاد الحلال بمنتهى الشر كتبوا إني بعلن اعتزالي، أي موقع هيكتب دلوقتي هذا الخبر، أقسم بالله هاخد الإجراءات القانونية ومش هتنازل عن حقي".
وهددت ريهام سعيد، خلال البث المباشر، قائلة، "انت عارف حجم الأضرار اللي هتسببها للقناة أو عدم التعويض اللي انت هتدفعه؟، خلي اللي زقك عليا ينفعك".
واستكملت، "عاوزين مني إيه مش فاهمة، في أسامي معينة مش هترتاح أبدا غير لما أنا انتهي، أقسم بالله هاخد الإجراءات القانونية الصارمة تجاههم، لو فضلتوا مليون سنة قدام تخططوا أنا هفضل شغالة ومش هقف غير لو ربنا رايد ده، سيبوني في حالي، انتوا بتحاربوا واحدة ست في رزقها ليه، هو أنا يسرا؟، إنتوا عالم نكرة، بكرة الصبح هيكون في شكوى في المجلس الأعلى للإعلام، مترجعوش تقولوا اتنازلي عشان والله ما هتنازل".
وكانت نشرت بعض المواقع الإخبارية، أخبارا تفيد اعتزال الإعلامية ريهام سعيد، تضمنت ما قيل أنها معلومات عن أنها ستختفي لفترة طويلة وتبتعد عن الإعلام والأضواء بشكل عام، حتى تسترد عافيتها مرة أخرى، وهو ما نفته الإعلامية.
الأنباء المزعومة جاءت بعد منشور نشرته ريهام سعيد عبر إنستجرام، كتبت فيه: "سأختفي قليلًا حتى تعود لي روحي ونفسي التي فقدتها بعد أن تعرضت للتشويه، التشويه مكنش تشويه شكل بس ده كان تشويه سمعة وإفشاء أسرار وأشياء قاسية جدا".
تابعت في منشورها، "مش عارفة اتعامل مع أشباه البشر، هقعد مع ربنا شوية كتير هو اللي معايا، 8 سنين حرب عشان أقع، كمية حروب غير طبيعية ومعرفش ليه لغاية ما بقيت اسمع عن واحدة تانية مش أنا قبل تشويه الشكل، 8 سنين حرب عشان مشتغلش في إعلام ولا تمثيل ليه؟، الناس وحشة وبتاعة مصلحتها".
الأكثر قراءة
-
05:14 AMالفجْر
-
06:42 AMالشروق
-
12:48 PMالظُّهْر
-
04:17 PMالعَصر
-
06:55 PMالمَغرب
-
08:12 PMالعِشاء
أخبار ذات صلة
من التجاني لـ رامي جمال.. "التنمر" شبح يطارد المشاهير
18 سبتمبر 2024 05:58 م
"ناعم ومظهره خداع".. لغة الجسد تفضح ما يخفيه التجاني
18 سبتمبر 2024 05:36 م
بعضهم ادعى النبوة.. شيوخ طرق صوفية متهمون بـ"نشر الخزعبلات"
18 سبتمبر 2024 04:40 م
صلاح الدين التجاني عن اتهامه بالتحرش: "بتعامل مع مريديني بالحب"
18 سبتمبر 2024 03:26 م
هل يوجد صلاة خسوف اليوم؟
18 سبتمبر 2024 11:14 ص
هل خسوف القمر من علامات الساعة؟.. حدث اليوم
18 سبتمبر 2024 10:57 ص
شقيق خديجة عن تبرئة والدته لـ صلاح التيجاني: "كدّابة"
18 سبتمبر 2024 10:56 ص
8 مشروبات طبيعية تُحسّن مزاجك.. جربت الليمون بالريحان؟
17 سبتمبر 2024 05:59 م
أكثر الكلمات انتشاراً