لقاء الخميسي: نزلت قبر أحمد زكي "علشان بحبه"

تحدثت الفنانة لقاء الخميسي عن نزولها قبر الفنان أحمد زكي خلال استضافتها في برنامج "أسرار" مع الإعلامية أميرة بدر المذاع على قناة النهار.

وقالت الخميسي، "نزلت قبر أحمد زكي علشان بحبه، وكنت حامل في ابني، ونزلت السلالم كلها وطلعوني، وزوجي كان ماسك النعش معاهم، وبحبه علشان بصدقه ومن أهم الناس".

وأضافت "كنا صغيرين أنا وزميلي لؤي عمران، وقابلنا أحمد زكي في الأسانسير، قالي أنتي ممثلة من غير ما يشوف لي حاجة ولا كنت عملت حاجة، وقالي هتبقي موهوبة جدًا، وقال لزميلي بردو، وقلت له أنا بحبك ممكن أخد حضن، راح حاضني، وبعد وفاته مقدرش اتفرج له على حاجة، وعمري ما نزلت غير لأبويا" 

وعن أزمتها مع خالد سليم، قالت الخميسي “مسلسل أبواب الشك كان حقي أحط اسمي قبل خالد، ومضيت من غير ما أعرف إنه هو اللي رشحني”.

وتابعت "خالد سليم نجم كبير لكن بشوفه مطرب ومغني جامد، وأنا أصلي ممثلة، والفرق بينه وبين تامر حسني إنه اتعمله أفلام كتير، وخالد عِشرة ومتجوز صاحبتي".