أكمل يتهم عصام صاصا بسرقة أغنيته "أنت الحب"

كشف المطرب أكمل خلال لقائه مع الإعلامية إنجي هشام، في برنامج "المنسي" المذاع عبر شاشة قناة "هي"، أن عدد من الفنانين استخدموا ألحان أغنيته الشهيرة “أنت الحب” في أغانيهم.

وقال أكمل، إن “أغنية أنت الحب الناس بتسمعها لغاية دلوقتي، وعصام صاصا عملها بنفس الكلمات مهرجان ونجحت وعاملة 65 مليون مشاهدة، والأغنية دي قعدت سنتين أحمد علي موسى يجبهالي أقوله الله وبعدين يقولي خلاص هشام عباس عايزها وياخدها، وبعدين يرجع يديهاني ووقتها هو كان عايز ينزل مع نجم، وعملتها ونجحت، وبفضل الله عمري ما عملت أغنية ومنجحتش”.

وتابع “بتضايق جدًا لما ياخد حد ياخد الأغنية بتاعتي ويعملها مهرجان أو يغير اللحن، وعندي مشاكل حتى مع نجوم كبار اللي هو أنت مسمعتش وروحت خدت لحن شبه لحن أغنية بتاعتي؟، واللي بيضايقني أكتر أن تبقى الأغنية لحني واللي شبها تنجح أكتر”.

وأضاف “في نجوم كتير خدوا ألحاني والأغاني بتاعتهم نجحت، زي شيرين عبد الوهاب، ومحمد حماقي، ورامي صبري، وأحمد سعد، والهضبة عمرو دياب، أنا بكتفي بالعتاب لأن أنا مش صاحب الحقوق، شركة صوت الدلتا هي صاحبة الحقوق دكتور نصيف راجل مالوش في المشاكل، لكن لو محسن جابر مبيسبش مزورة”.

وأوضح أكمل “أنا بتضايق أن أنا اللي اجتهدت وتعبت وشقيت ولحنت وجبت الكلمة، وأنا بعرف من الناس من الناس أن لحني أتاخد، وبعدين هدخل في مشاكل علشان إيه؟ أخد فلوس؟ لا مش فارق معايا”.