طارق الدسوقي: رفضت التوسط لأولادي لدخول الوسط الفني
طارق الدسوقي
سعد نبيل
قال الفنان طارق الدسوقي، “إنه رفض التوسط لأولاده لدخول الوسط الفني”، منتقدًا دور نقابة المهن التمثيلية في تطوير المهنة والارتقاء بثقافة الفنانين.
وأضاف الدسوقي، خلال لقائه مع الإعلامية إنجي هشام، في برنامج "المنسي" المذاع عبر شاشة قناة "هي": “المفروض النقابة عليها دور كبير في تقليل الفجوة بين الجيل القديم والجديد، وميكونش دورها متوقف بس على المرضى والجنازات، المفروض ترتقي بمستوى المهنة، والمفروض تهتم بثقافة الفنانين والأعضاء بتوعها ويكون في صالون ثقافي أسبوعي أو شهري”.
دور نقابة المهن التمثيلية
وتابع: “أشرف زكي دفعتي وإحنا أصدقاء جدًا ومكناش بنفترق لا ليل ولا نهار، هل هو مش عارف إن طارق بعيد عن الشاشة؟، ده جيله والمفروض هو اللي يبادر ويسأل أنت بعيد بمزاجك؟ أنت قيمة وقامة وواجهة مشرفة إزاي مش متواجد، طب أنت محتاج حاجة أو مريض؟ ده دور النقابة”.
وأكمل: “رفضت أتوسط لأولادي علشان يدخلوا التمثيل، والفن مافيهوش واسطة، ولا يمكن تصنع نجم، والحكم للجمهور، وأحمد ابني مشي في الطريق بشكل صح، هو خريج كلية الإعلام، وبياخد ورش تمثيل، وأنا مبتدخلش إني أكلم له مخرج أو منتج، رغم أنه جان وفيه كل مواصفات النجم، ولكن سايبه يتعب زي ما أنا تعبت”.
وواصل “أنا لو مش مقتنع برسالة الفن كنت أعلنت اعتزالي، ما أنا بعيد بقالي 10 سنين وخلاص الجاي مش قد اللي رايح، بس أنا لا يمكن أعمل كده، المهنة دي أنا قعدت 40 سنة فيها وعملت فيها رسالتي على أكمل وجه”.
تعاون مع الفنانة شادية
وعن تعاونه مع الفنانة شادية، قال الدسوقي “الأستاذ أشرف فهمي المخرج، كان هيضربني وكان عنده حق لأنه كان تصوير فينال فيلم لا تسألني من أنا، وكان فيه كل الأبطال فوق السطح والدنيا برد جدًا، وأنا إتأخرت في الامتحان وقال لما يجي قولولي، وطبعًا مدام شادية لما جيت حجزت وقالت له لو لمسته أنا همشي الولد عنده امتحان هيعمل إيه”.
وأتم: “أنا شايف إن شادية مخدتش حقها، مفيش دور معملتهوش، كان المفروض النقاد يرصدوا تاريخها الفني، هي ممثلة عبقرية وعظيمة وهي مغنية كمان”.
الأكثر قراءة
-
05:14 AMالفجْر
-
06:42 AMالشروق
-
12:48 PMالظُّهْر
-
04:17 PMالعَصر
-
06:55 PMالمَغرب
-
08:12 PMالعِشاء
أخبار ذات صلة
حجاج عبدالعظيم عن التجاني: لا أعرفه.. وأرفض الإساءة له
19 سبتمبر 2024 03:40 ص
حفل جديد لنيكول سابا ومصطفى حجاج على ضفاف النيل الجمعة
19 سبتمبر 2024 12:15 ص
مصطفى شعبان يعتذر عن فيلم كريم عبد العزيز الجديد لهذا السبب
18 سبتمبر 2024 11:18 م
رحاب حسين تشكو قلة الأعمال: التمثيل مصدر رزقي الوحيد
18 سبتمبر 2024 10:10 م
حفل جديد لتامر عاشور في القاهرة الجديدة.. أسعار التذاكر
18 سبتمبر 2024 07:36 م
رمضان يتجاهل "بلاغ ابن الجيران" ويروج لحفلة الساحل
18 سبتمبر 2024 07:30 م
قبل انعقاده بدقائق.. تأجيل مؤتمر مهرجان الموسيقى العربية
18 سبتمبر 2024 05:40 م
من صفط اللبن لأمريكا.. ساسو يوثق جولته مع بيكا وعمر كمال
18 سبتمبر 2024 05:04 م
أكثر الكلمات انتشاراً