إيناس الدغيدي: "رفضت أحمد عز.. ويسرا اختارته علشان يبوسها"
إيناس الدغيدي
زياد محمد
كشفت المخرجة إيناس الدغيدي عن كواليس مقابلتها مع الفنان أحمد عز لأول مرة ورفضها لمشاركته في فيلم "كلام الليل".
وقالت الدغيدي، خلال استضافتها ببرنامج "أسرار" مع الإعلامية أميرة بدر المذاع على قناة النهار: “بقابل في اليوم 40 واحد عايزين يمثلوا، واختارت أحمد عز من كاست وكان موديل إعلانات، رفضته في الأول، عشان مكنش مناسب سنًا، عشان كان أصغر من يسرا ومش هينفع، الفيلم كان فيه بوسة، ويسرا جات قالتلي مين الراجل اللي هيبوسني، قلتلها جايبالك واحد كويس، كان فيلم كلام الليل، عشان مش عايزة تتباس من أي حد”.
وتابعت: "لما شافته قالتلي هو ده اللي اخترتيه، طب أنتي بصيتي على سنانه، مش هينفع أبوسه عشان سنانه كلها سودة، والمنتج كان مقتنع بأحمد عز عشان وسامته، وراح قال ليسرا فيه واحد كويس أوي بس إيناس شايفة إنه صغير، لما شافته قالتلي ده أنا هبوسه لكن اللى أنتى مختاراه مش هينفع، قلتلها ده صغير، قالتلي ماليش دعوة، وعمل الدور حلو جدًا، والبوسة طلعت حلوة، وبعدها راح اتعلم وجالي قالي عايز أعمل فيلم، عملت به مذكرات مراهقة، وعز تطور جدًا، ومجتهد ومركز عنده هدف".
وعن الفنان عمرو سعد، قالت الدغيدي: "مش مغرورة لكن شكله مغرور، وعمرو سعد مكسرش المكتب عندي، هو حد كلمني قالي في ولد كويس أوي هيجيلك المكتب عشان عايز يمثل، وأنا مكنتش موجودة، ومكلمنيش قبلها، وقالها أنا مش همشي وقاعد استنى، فاكر إنها مخبياني عنه، وهو كتب لي جواب، بس عرفت الموضوع ده بعد ما بقى عمرو سعد".
الأكثر قراءة
-
05:14 AMالفجْر
-
06:42 AMالشروق
-
12:48 PMالظُّهْر
-
04:17 PMالعَصر
-
06:55 PMالمَغرب
-
08:12 PMالعِشاء
أخبار ذات صلة
حجاج عبدالعظيم عن التجاني: لا أعرفه.. وأرفض الإساءة له
19 سبتمبر 2024 03:40 ص
حفل جديد لنيكول سابا ومصطفى حجاج على ضفاف النيل الجمعة
19 سبتمبر 2024 12:15 ص
مصطفى شعبان يعتذر عن فيلم كريم عبد العزيز الجديد لهذا السبب
18 سبتمبر 2024 11:18 م
رحاب حسين تشكو قلة الأعمال: التمثيل مصدر رزقي الوحيد
18 سبتمبر 2024 10:10 م
حفل جديد لتامر عاشور في القاهرة الجديدة.. أسعار التذاكر
18 سبتمبر 2024 07:36 م
رمضان يتجاهل "بلاغ ابن الجيران" ويروج لحفلة الساحل
18 سبتمبر 2024 07:30 م
قبل انعقاده بدقائق.. تأجيل مؤتمر مهرجان الموسيقى العربية
18 سبتمبر 2024 05:40 م
من صفط اللبن لأمريكا.. ساسو يوثق جولته مع بيكا وعمر كمال
18 سبتمبر 2024 05:04 م
أكثر الكلمات انتشاراً