أحمد الطيب يرفض التغزل في الأهلي: "مفيش أمارة"

رفض المعلق الرياضي والإعلامي أحمد الطيب، أن يتغزل ويعلق بموهبته على النادي الأهلي على الهواء مباشرة لمدة 30 ثانية، وهي الفترة التي طلبتها منه الإعلامية بسمة وهبة في برنامجها “العرافة”، معللا رفضه بالقول "أنا مش هعمل كده حضرتك، والتعليق مش كده".

وقال الطيب خلال استضافته مع الإعلامية بسمة وهبة ببرنامج "العرافة"، والذي يعرض عبر قناتي "المحور والنهار"  عقب أذان المغرب مباشرة، “أنا معلق مش مونولجست ولا أنا بغني أغنية من مقاطع كذا، هتغزل ليه، بأمارة إيه، إيه اللي حصل علشان اتغزل".

تابع، "تغزلت بنادي الزمالك صحيح وعندما تغزلت في شيكابالا قلت له آه يا اسمراني اللون، يا عظمة أول جون أسمر يا اسمراني مين آساك عليا، أسمر يا اسمراني عملت لي كدا فيا، وكمان قلت له والله يا ولدي وقفت لك عشان كده سقفت لك، ودا علشان عمل حاجة تستاهل الموقف، وقلت له كدا مش بس من قلبي لا ده من قلبي وعقلي”.

أضاف، ”شيكابالا أسطورة علشان عنده حاجات مش موجودة عند غيره، فيه عندهم حاجات كويسة ومختلفة عنه، لكن دلوقتي في النادي الأهلي مفيش أسطورة، وآخر أسطورة كانت موجودة هي عبد الله السعيد، وأبو تريكة أسطورة ستظل خالدة لسنوات وسنوات".