السبت، 21 نوفمبر 2026

11:32 م

السبت، 21 نوفمبر 2026

11:32 م

ضحية قميص النوم بمدينة نصر: بعد ما صورني بعت الفيديو لأصحابي وفضحني

صورة - تعبيرية

صورة - تعبيرية

تعرض شاب يدعي وليد للتعدي من آخر بمنطقة مدينة نصر التابعة لمحافظة القاهرة، بسبب طلب الأخير من الأول الانفصال عن خطيبته والتنازل عن منزله وهدده بفيديوهات خارجة.

اعترافات ضحية تعدي شاب بمدينة نصر

وتتابع “تليجراف مصر” نشر اعترافات المجني عليه في التحقيقات والتي أتت كالتالي: “بعد ما خلعني قميص النوم وصورني فيديو مدته 4 دقايق وبعدين قالي اغسل صباعك مكان البصمة”.

وأكمل حديثه: “وبعدين خالاني لبست هدومي وبعدين اتصل بوالدي وقاله تعالي ابنك معايا وأنا مكتفه، وفعلا والدي جيه من البلد واتصل بالحاج فايز جمال وقاله خاطر حاجز وليد في الشقة، والحاج فايز كلم شريف اللي أنا شغال معاه وقاله خاطر حاجز وليد في الشقة، وفعلا الحاج فايز جاب شريف وجم البيت، وبعدها والدي جيه ولاقيت بركات بيتصل بأخوه وحيد وبيقوله تعالي عشان خاطر عايز يلبس أبو وليد قميص نوم وفعلا جيه وحيد وقال لأخوه خاطر لو عملت كده أنا هروح أشهد عليك في النيابة وأحبسك”.

أقوال ضحية واقعة فيديو الملابس النسائية بمدينة نصر

وأضاف: "وحصلت قاعدة والناس لما كانت موجودة خاطر خلي بركات يصورنا فيديو وقال فيه إن لازم وليد يطلق مراته وهو يتجوزها وأبوه يكتبلي البيت ويمشي من البلد، ولو محصلش كده أنا هذيع الفيديو، وأرفع الإيصالات في المحكمة، وبعدها بثلاث أيام روحت عملت محضر وضابط المباحث قالي فين الفيديو قلتله مش معايا ده على التليفون بتاع خاطر وهو هرب على البلد وبيفرج الفيديو على بلدياتي عشان يفضحني ويهددني وطلع على "سها" وشهرتها “سحر” اللي هي طليقته وخطيبتي وفرجها على الفيديو".

أقوال ضحية واقعة فيديو الملابس النسائية بالتحقيقات

وتابع: “لما أهلها حسوا إن في مشاكل اتصلوا بيا وقالولي إحنا هنبعد ونطلع بره الموضوع ده، وفعلا سبنا بعض والموضوع كان في النيابة، واتحقق معايا وجبت شهود شهدوا معايا، وفضل طوال الفترة دي يفضحني ويبعت الفيديو للناس في البلد عشان يخرب بيتي ومراتي تطلق مني، واتفاجئت إنه رفع 5 إیصالات أمانة، 4 في المنيا، واخدت في كل القضايا براءة وعرفت إن القضية اللي كانت بتحقق اتحفظت، وطوال الفترة دي هو بيههدني بالفيديو ومحرج عليا انزل البلد ونازل فيا تهديد”.

واختتم: “من حوالي شهر ونص تقريبا لاقيته ظهر الفيديو وبعتله حوالي 12 واحد في البلد ولاقيت واحد من البلد معرفوش بعتلي الفيديو من حوالي شهر تقريبا، فأنا كلمت المحامي بتاعي وقالي اطلع على القسم اعمل محضر، والكلام ده من حوالي 25 يوم، وروحت فعلا قسم اول مدينة نصر من 3 أسابيع وبعدين مشوني وقالي فوت علينا بعد أسبوع وكل شويه يمشوني ويقولي إنهم بيعملوا تحريات ولما روحت إمبارح عملولي المحضر وبعدين جيت على النيابة وده كل اللي حصل”.

اقرأ أيضا:

ضحية تعدي شاب بمدينة نصر: صورني فيديو بقميص نوم عشان أسيب خطيبتي (خاص)

تابعونا على

search