شيخ شهير يتهمها بالزنا.. ميار الببلاوي: "حسبي الله ونعم الوكيل فيك"

تعرضت الفنانة ميار الببلاوي لحالة من الانهيار بعد خروجها على الجمهور في بث مباشر عبر صفحتها على موقع "فيسبوك"، وذلك بعد اتهامها من شيخ مشهور بالزنا.

وكشفت لجمهورها تفاصيل ما حدث معها، موضحة أن هذا الشيخ قال في حقها ما ليس فيها بعد حلقتها مع الإعلامية بسمة وهبة في رمضان، وحديثها عن عودتها لزوجها بعد طلاق 11 مرة.

ميار الببلاوي تدخل في حالة انهيار

وأوضحت ميار الببلاوي أنها بعد حلقتها مع الإعلامية بسمة وهبة في رمضان وحديثها اتهمها شيخ بالزنا وبزواج المحلل أكثر من مرة، وعرضت ميار قسيمة لكل زواج تزوجته، مؤكدة أنها لم تفعل أي شيء يغضب الله.

وقالت ميار الببلاوي في الفيديو "لو سمحتوا كرامة لرب العالمين، لو في يوم من الأيام ولو سمعتوا مني كلمة غيرت في حياة حد أو آية افتكروها ليا، وكل اللي طلباه منكم الدعاء، أنا سكت كتير لأني دايما أؤمن بحديث الرسول أميتوا الباطل بالسكوت عنه، لكن أنا تعبت وكل حاجة يقولوا علشان التريند بس أنا مش فارقة معايا التريند، وأنا عيانة بقالي 8 أيام ومش بقول أني عيانة ولا بتكلم علشان محدش يقول إني بتاجر بالعيا وزهقت من كلمة التريند بعد ما كنت بصور لكم كل حاجة ولما أعمل أي حاجة أقولها".

وأوضحت ميار الببلاوي أنها تقابلت مع شيخ مشهور وكشف لها أنه تحدث عنها وحينما سمعت الفيديو وحديثه عنها صعقت لما قاله، قائلة: "النهارده حصل حاجة عمري ما تخيلتها، أول ما خلصت الهواء صاحبتي كان عندها حاجة في قناة معينة وما رضتش أسيبها لوحدها وقلت هروح معاها وأسلم عليها، وأنا داخلة أنا ورئيسة التحرير بتاعتي لقيت الشيخ الفاضل، وبحتسبه من الشيوخ الأجلاء ولكن سبحان الله يمكن نزغ شيطان أو فتنة أو حديث نفس".

رد ميار الببلاوي على الشيخ المشهور

وأضافت “ربنا بيقول يا أيها الذين آمنوا إن جاءكم فاسق بنبأ فتبينوا، فما بالكم إن اللي قال عني كده شيخ جليل ويخوض في عرضي وشرفي رغم أن كلنا بنحبه وبنسمع كلامه، وأول ما شيخنا الجليل شافني وأنا كنت بحبه جدا وبتابعه وأقول نفسي يكون معايا في حلقة، وسلمت عليه وقالي إنتي جيالي علشان حطيتك على المرجيحة امبارح، فقلت له مش فاهمة، فقال لي أصل إمبارح كنت جاي عليكي جامد، فرديت قلت له شرف ليا وأنت عمرك ما  هتظلمني ونحسبك على خير، لقيته بيقول لي اللي أنتي قلتيه مع بسمة، لكن ما حدش فكر أنه معمول مونتاج علشان يطلع تريند ونص الكلام مقطوع”.

إتهام يلاحق ميار الببلاوي

وأشارت ميار الببلاوي إلى أن الشيخ اتهمها في عرضها موضحة "لما سمعت الفيديو لقيته بيقول عليا إني باخد كل راجل ليلتين وإني ببوظ شكل الدعا، حسبي الله ونعم الوكيل فيك زي ما اتكلمت في عرضي وشرفي وشرف ابني، حرام عليك سبت التمثيل وكل حاجة وبشتغل في برنامجي وبين صلاتي وبيتي وتربية ابني ومش عايشة ومش بخرج من بيتي إلا لو شغلي يعني دفن نفسي مع أمي".

ولفتت ميار الببلاوي إلى أن أزمتها بدأت بعد حلقتها في رمضان مع بسمة وهبة قائلة “المأساة بدأت من حلقة العرافة مع بسمة وهبة، وسيبكم من اللي حصل في الحلقة، لكن أي حد بيقول أي حاجة عادي بتعدي لكن ميار لو فتحت بقوها الناس كلها تسن عليها السكاكين ومحدش فكر أني ابني راجل وابني في وسط الرجالة وصحابوا وشغله شكله هيكون إيه، وابني مش بيكلمني من 22 رمضان من وقت ما الحلقة طلعت وقافل على نفسه اوضته ومش بيكلمني وانا ما طلعتش غير بابني”.

واختتمت حديها "كمية المونتاج اللي معمولة في الحلقة فوق ما تتخيلوا، والحلقة اتذاعت وياما حاحات بتنزل وتعدي ووقتها كنا في رمضان ومعنديش استعداد ابص لحاجة ولا اضيع صلاتي وأنا بخاف من ربنا بشكل مش طبيعي".