"حاجة مقرفة".. حمو بيكا يدعم عصام صاصا: "مش مجرم"

حرص مؤدي المهرجانات حمو بيكا، على دعم مؤدي المهرجانات عصام صاصا، بعد أزمته الأخيرة بسبب اتهامه بدهس أحد الأشخاص على الطريق الدائري.

وكتب بيكا، عبر حسابه الرسمي بموقع التواصل الاجتماعي "فيس بوك": “عصام صاصا، عمره في حياته ما كان مؤذي أو شخص مش كويس، وأنا مش بكتب الكلام ده عشان أزيط في الزيطة، ومش محتاج أظيط أنا كحمو بيكا أنا أعرف الراجل ده من سنين السنين كمان، خبط واحد بعربيته قضاء وقدر ياريت بقى الناس بتاعت التيك توك، والناس اللي هي بتزيط دي متركبش المركب بالشقلوب، وتفضل تقول كلام محصلش الراجل ده”.

وتابع "دلوقتي في محنة، وفي أكتر مش شخص بيطلعوا يعملوا فيديوهات ملهاش أي تلاتين لازمة ملكمش الحق إنكم تتكلموا، وملكمش الحق إنكم تطلعوا تجيبوا سيرته، بأي حاجة أنا شايف كمية فيديو ع التيك توك بجد حاجه تقرف حاجه تدل على إن إحنا شخصيات معندهاش مبدء وشخصيات مقرفة".

وأردف “الراجل مات وده نصيبه الله يرحمه ويرحم جميع أمواتنا، لكن المزايدات ملهاش لازمة صدقوني، والقانون والدولة هما الوحيدين اللي ليهم الحق في الكلمة، أو في أي حاجة تخص الموضوع ياريت بقي نهدا ونبطل هري، ربنا يرحم اللي مات برحمته، وربنا يرجعلنا عصام صاصا بالسلامة، وعصام صاصا مش مجرم”.

آخر تطورات قضية عصام صاصا

وقالت مصادر مطلعة على التحقيقات، إنه تقرر ضبط وإحضار مطرب المهرجانات عصام صاصا المتهم بدهس الشاب أحمد مفتاح.

وأكدت مصادر طبية وأمنية، أن تحليل تعاطي المخدرات الخاص بمؤدي المهرجانات عصام صاصا، أثبت إيجابية العينة، وأنه تعاطى مواد مخدرة قبل الحادث.