بعد واقعة فتاة "أوبر".. عبير صبري: "ليه مفيش رقابة عليهم؟"

أعربت الفنانة عبير صبري، عن غضبها الشديد واستيائها بسبب واقعة تحرش سائق “أوبر” بفتاة، ومحاولته التعدي عليها في منطقة التجمع بالقاهرة، أثناء توصيلها.

وكتبت عبير، عبر حسابها الرسمي بموقع التواصل الاجتماعي “فيس بوك”: “هي أوبر دول مسئولية مين، يعني اللي بيشغلهم مين، الكبير بتاعهم مين؟، هل هما شركه بتشتغل مع نفسها كده بيزنس خاص يعني، وإذا كده فين الرقابة عليهم؟، مفيش رقابة عليهم  ليه؟”.

وأضافت "ليه مفيش كاميرات في العربيات ديه زي دبي في أي تاكسي،  ولا البنات هتفضل كل يوم يخطفوهم، ويموتوهم، ويتحرشوا بيهم، ويعتدوا عليهم ويغتصبوهم".

وتابعت: "إزاي مفيش حل مع المجرمين دول لازم السواقين دول يكونوا تحت مسئولية وزارة الداخلية، أقل شيء بعد الجرائم المتكررة دي، أرجو أن تتضامن النساء في مصر للمطالبة بغلق هذا الأبليكيشن، أغلقوا أوبر".

واقعة تحرش سائق أوبر

وكشفت تحريات مباحث القاهرة، تفاصيل مثيرة حول واقعة تحرش سائق أوبر بفتاة ومحاولته التعدي عليها في منطقة التجمع بالقاهرة، أثناء توصيلها في الرحلة متوجها إلى منطقة الشيخ زايد. 

وفي وقت سابق، ألقت الأجهزة الأمنية بمديرية أمن القاهرة القبض على سائق أوبر حاول خطف فتاة لاغتصابها في مدينة نصر. 

ورصدت الأجهزة الأمنية بمديرية أمن القاهرة تداول منشور على مواقع التواصل الاجتماعي، مفاده تعرض مدرسة لغة إنجليزية لمحاولة خطف خلال توجهها من القاهرة الجديدة إلى الشيخ زايد.