حفل كاظم الساهر يثير السخرية.. "التذاكر في متناول المستثمر الصغير"

الفنان كاظم الساهر
منى الصاوي
حالة من الجدل أثارتها حفلة الفنان كاظم الساهر المزمع إقامتها في مصر يوم 28 يونيو المقبل، بعدما تم الإعلان عن أسعار التذاكر التي تجاوزت الـ30 ألف جنيه.
منشورات ساخرة
تداول المتابعون المنشورات الساخرة تارة، والمستاءة تارة أخرى، بسبب المغالاة في أسعار التذاكر.
هرم سقارة
دون حساب باسم كريم غباشي، منشورا ساخرا، قال خلاله، “حفلة كاظم الساهر اللي هتتعمل في مصر كمان شهر جنب هرم سقارة تذاكرها في متناول اللي شغالين في البرمجة والحوسبة، وفي متناول تجار الزيتون في سيناء”.
ميدان لبنان
أضاف، “ التذاكر أسعارها بتبدأ من 32160 جنيها اللي هي قدام المسرح على طول لغاية 2400 جنيه اللي هي في الصف 32 اللي هيكون غالبا في شارع شهاب، أو ميدان لبنان مش متأكد.”
واختتم، "كاظم بيقولها لو كنت ذا ترف ما كنت رافضة حبي، لكن عسر الحال، فقر الحال، ضعف الحال، مأساتي"...
حفلة على الضيق
فيما كتب حساب باسم وائل دياب منشورًا ساخرًا قال خلاله، " أستاذ كاظم الساهر عامل حفلة في مصر على الضيق يوم 28 يونيو بأسعار في متناول المستثمر الصغير.. أقل درجة =2240، الدرجة الأولى =32160، ومتسألش عن الـ vip “.
الأسعار بقت نار
أضاف، "كل ده مش مشكلة الأسعار بقت نار، المشكلة بس الوحيدة بالنسبة لي أن من شروط دخول الحفلة أنها couples only و +21، يعني البنت الغلبانة اللي فضلت تسمع "أحبيني بلا عقد" بعد ما تنازلت مش هيدخلوها، ولو أستاذة ليلى كانت مستنيه عشان تروح تسمع "أنا وليلى" مش هيدخلوها هتقولهم أنا ليلى اللي كاظم قالكم عليها هيقوللها يلا يا سنجل يا حزينة من هنا".
الصف الأول
ودون حساب باسم حسام الديب قائلا، "فيه حفله للفنان كاظم الساهر في مصر عند هرم سقارة بالبدرشين يوم 28 يونيو الجاي، أسعار التذاكر.. الصف الأول.. اللي قدام خالص ده.. التذكرة ب 32160جنية.. واتحجز خلاص، والصف الثاني بـ 32100 واتحجز معظمه ماعدا الأطراف.. وهكذا تدريجيا السعر بيقل لحد الصف الأخير اللى هو الـ 32 ده بـ 2400 جنيه بس".
اختتم منشوره قائلًا، "أنا حبيت أقولكم عشان أنا عارف أنكم زي حالاتي.. كنتم ناويين تحجزوا أول صفين.. وما دام اتحجزوا فخلاص بقي مفيش نصيب".
موعد ومكان الحفل
أعلنت الشركة المنظمة لحفل النجم كاظم الساهر في مصر، عن بدء حجز التذاكر، والتي تخطت أسعارها حاجز الـ 30 ألف جنيه، وتتراوح وفقًا لرقم الصفوف.
ومن المقرر أن تُقام حفل كاظم الساهر بمدينة الجيزة عند هرم سقارة بالبدرشين، في الموعد 28 يونيو 2024.

أخبار ذات صلة
يشبه "طبق العدس".. اكتشاف على سطح المريخ يهز الأوساط العلمية
02 أبريل 2025 03:40 م
4 مشروبات طبيعية تُخلصك من عسر الهضم
01 أبريل 2025 04:18 م
"رنجة وحلويات ومقرمشات".. كيف تتجنب التخمة في أيام عيد الفطر؟
01 أبريل 2025 01:54 م
فوائد مذهلة للعنب.. لن تصدق ما يحدثه بجسمك
01 أبريل 2025 08:16 ص
تجنبوا استخدامه بإفراط.. "ضابط الطعام" سبب رئيسي للإصابة بالبدانة
31 مارس 2025 07:01 م
عيد الفطر في البرازيل.. بهجة وألعاب ومائدة طعام
31 مارس 2025 06:52 م
أخطرها "سيلفي المحرك".. 3 تصرفات ممنوعة أثناء السفر بالطائرة
31 مارس 2025 05:21 م
"حب يغديهم فاتغدوا بيه".. 3 أسود تلتهم حارس حديقة حيوان بالجزائر
31 مارس 2025 02:00 م
أكثر الكلمات انتشاراً