مروان عطية: "كنا مركزين إننا نسجل في أول 15 دقيقة"

عبر مروان عطية، لاعب وسط الأهلي، عن سعادته الكبيرة بتتويج الأهلي بلقب دوري أبطال إفريقيا للمرة الـ 12 في تاريخه.

تصريحات مروان عطية 

وقال مروان عطية في تصريحات عبر برنامج "رقم 10" مع الإعلامي كريم رمزي المذاع عبر فضائية "القناة الأولى": “مبروك لجماهير الأهلي اللي شرفتنا وشرفت بلدها انهاردة ومبروك للاعبي الأهلي والإدارة، الكل كان خايف على الكأس ومجهودنا اتكلل بالتتويج".

وأضاف: “كنا مركزين إننا نسجل في أول 15 دقيقة، ومنستقبلش أي أهداف حتى لو مسجلناش هدف تاني وده اللي حصل”.

وتابع: “كل لاعب عايز يلعب طبعا وبيكون عنده إصرار على اللعب، لكن زعلنا زعل صحي كل لاعب عايز يلعب عشان يفيد الفريق ودي حاجة كويسة في فرقتنا إن الكل عايز يشيل الفرقة”.

واختتم: “علي معلول لاعب كبير وكنا عايزين نهديله اللقب وده اللي حصل في النهاية”.

تشكيل الأهلي أمام الترجي التونسي

في حراسة: مصطفى شوبير.

الدفاع: محمد هاني، رامي ربيعة، محمد عبدالمنعم، كريم فؤاد.

خط الوسط: مروان عطية، أكرم توفيق، إمام عاشور.

وفي الهجوم: بيرسي تاو، وسام أبو علي، حسين الشحات.

وتعد مباريات الأهلي والترجي من أهم وأشهر المواجهات في البطولات الأفريقية على مستوي الأندية ولعب الفريقان 26 مباراة، فاز الأهلي في 13 مرة وانتصر الترجي 4 مرات، وتعادلا في 9 مواجهات.