عمرو دياب يبحث عن الشاب ضحية الصفعة.. هل يطيب خاطره؟

قرر الفنان عمرو دياب وفريق عمله الاعتذار للشاب صاحب واقعة الصفع على الوجه، ويدعى محمد سعد أسامة، وإنهاء الأزمة.

اعتذار واجب

دون الكاتب الصحفي هاني العزب، على صفحته الشخصية على فيسبوك، منشورًا قال خلاله، " عمرو دياب وفريق عمله يبحثون عن الشاب الذي تم صفعه من أجل تطييب خاطره ومصالحته وإنهاء الأمر خلال ساعات القليلة المقبلة، خصوصا أن الواقعة حدثت في حفل زفاف يخص أهم رجال أعمال في مصر وهما محمد السعدي ومنصور عامر".

تعليق الشاب على واقعة صفع عمرو دياب له

وقال الشاب صاحب واقعة الصفع من عمرو دياب، لـ "تليجراف مصر"، “أنا حزين جدا أنا واحد معجب كنت عاوز اتصور معاه مش أكتر من كدة.. الحركة اللي حصلت منه مش لطيفة خالص ولا تليق بواحد تفكيره زي عمرو دياب”.

صاحب التريند

وأضاف سعد في أول تعليق له، "الناس كلها بتتصور معاك مين اللي بينجحك؟ احنا اللي بنخليك تريند.. مين اللي طلعك فوق وحققلك مشاهدة؟ إحنا اللي بندي قيمة للواحد.. أنا مش بشحت منك ولا بقولك هات حاجة لله.. أنا بحبك وعاوز اتصور معاك والتليفون أنا كنت رافعة عشان معطلوش وكنت مستني الشغل أما يخلص اتفاجئت أنه اداني بالقلم على وشي".

محرج وخجلان

وتابع الشاب صاحب واقعة الصفع من عمرو دياب: “عاوز أمسح الفيديو بأي شكل الواحد خجلان من الموقف أنا محرج وسط أصحابي.. موقف مش لطيف أنا دلوقتي رايح أشتكيه في النقابة الأول وأشوف أي اجراء رسمي عشان اعوض حقي في اللي حصل”.

وعن شده لملابس الفنان قال “أنا مقرصتوش أنا كنت بحسسه أن في حد واقف جنبه عاوز يتصور معاه مش أكتر من كده.. حطيت إيدي على ضهره عادي أنا بحبه جدا مش بغرض أي شيء آخر لكن فوجئت برد الفعل”.

واختتم الشاب سعد حديثه “كنت معزوم في الفرح.. وأنا كنت بحب عمرو دياب جدا على طول بسمع أغانيه وكان في بالفرح فنانين كتير ومقومتش من مكاني لكن هو اللي قررت أقوم أصوره لايف عشان أبقى فاكرها”.