بعد تعرضها للتحرش.. "الشابة حسناء" تعلن عن خطوة رسمية
الشاب المعتدي على الشابة حسناء
داليا أشرف
حررت الشابة حسناء أشرف محضرًا في قسم البساتين، بعدما تعرضت للتحرش الجنسي واللفظي خلال استقلالها سيارة "ميكروباص" صباح اليوم، من راكبين اثنين
شابة تتعرض للتحرش الجنسي واللفظي
وكتبت حسناء على صفحتها الشخصية بموقع التواصل فيسبوك، "أنا في الشارع بقالي 4 ساعات بحاول أعمل محضر لأن قسم المعادي بعتني لقسم البساتين علشان المنطقة من وجهة نظرهم محتاجين يحددوا هي تبع أي قسم فيهم، وقسم البساتين منزلني مع خمسة مخبرين نعمل معاينة بقالنا ساعة في الشارع".
أضافت حسناء، "حررت محضرا في قسم البساتين على الرغم من أن المنطقة تابعة لقسم المعادي حسب كلام معاون مباحث قسم البساتين، وشكرا ليهم، الكلام كان قدامي إن في محاولات لضبط الولد".
وكانت الشابة العشرينية حسناء قد تعرضت لاعتداء جنسي ولفظي خلال استقلالها سيارة "ميكروباص" صباح اليوم، موثقة كل ما تعرض تله من شباب وتعد لفظي من أحد الشباب الذي كان يستقل معها المواصلة.
وكتبت حسناء في منشور تداوله رواد مواقع التواصل الاجتماعي على نطاق واسع، "أنا مبركبش مواصلات عامة بسبب خوفي من التعرض للتحرش من رجالة بلدنا ومرتبي كله ضايع على أوبر، النهاردة الدنيا مكانتش زحمة أوي فقولت فيها ايه لما اركب مواصلات ونوفر".
تابعت حسناء، "كالعادة طلع قرار خاطئ تماما، قاعدة في الكرسيين اللي جنب السواق حاطة السماعات، كل شوية أحس بإيد بتتحط على الكرسي بتاعي من ورا ولازقة في ضهري، بصيت لقيته راجل كبير قولتله ممكن بس إيدك بعد إذنك يا حج، بصلي باستغراب ومتحركش، فقدمت أنا نفسي لقدام، كل شوية إيده بتتحرك مرة تانية إما تشد شعري أو تعمل حاجة غريبة أنا مش قادرة أحددها".
استكملت، "لفيت قولتله بعد إذنك بس يا حج إيديك من عالكرسي، قالي هو أنا لمستك انتي فاكراني بعاكسك يعني!، قولتله أنا مقولتش إن حضرتك بتعاكسني ممكن بس إيدك من على الكرسي؟، راح ماسك الكرسي بايديه الاتنين وقعد يخبط فيه وقالي لأ مش هسيبه، هو انتي فاكراني قدك وهعاكسك قولتله هو انت بتعمل إيه شيل إيدك من عالكرسي، ماليش دعوة قدي ولا لا أنا بقولك الكرسي بتاعي".
أردفت، "لقيت ولد جنبه بيقولي انتي بتتكلمي كدا ليه ده راجل قد أبوكي، قولتله خليك في حالك لو سمحت، أنا مغلطتش فيه، لقيت البطل اللي في الفيديو اللي تقريبا مستحملش يشوف واحدة راجل كبير ضايقها وبترد عليه وبدأ يقولي انتي بتتكلمي كدا ليه وشتمني، واستمر في سيل من الشتائم الزبالة اللي من كتر ذهولي وخضتي منها فضلت ساكتة شوية ومجاش في بالي غير إني اطلع الموبايل أصوره".
وتساءلت حسناء، "طيب أنا دلوقتي مركبتش مواصلات من سنين ولما قررت أجرب حظي يحصل كدا؟، هل ده معناه إني هفضل طول عمري مش عارفة أحوش جنيه بسبب فلوسي اللي ضايعة على أوبر؟، هل كل مرة هحاول إني أوفر فيها هتعرض لمواقف كل ذنبي فيها إني دافعت عن حقي؟".
الأكثر قراءة
-
ضغوط من مسئول أدت لوفاة أحمد رفعت.. تليجراف مصر يكشف تفاصيل جديدة
-
أول رد من أحمد دياب بعد شائعات تسببه في وفاة أحمد رفعت (خاص)
-
"علقة سخنة وبلاغ".. حسام حبيب وشيرين عبدالوهاب "أزمات لا تنتهي"
-
حفل تخرج يتحول إلى "مشاجرة طاحنة" في سوهاج.. تفاصيل كاملة
-
أزمة نفسية وشخص "ذو نفوذ".. اللقاء الأخير لأحمد رفعت
-
04:15 AMالفجْر
-
06:00 AMالشروق
-
01:00 PMالظُّهْر
-
04:36 PMالعَصر
-
08:00 PMالمَغرب
-
09:32 PMالعِشاء
أخبار ذات صلة
هيكل عظمي.. صور مأساوية لفلسطيني يعاني من سوء التغذية الحاد
07 يوليو 2024 12:09 ص
شيرين وحسام على "الشيزلونج".. اضطراب الشخصية الحدية قد يدفعهما للانتحار
06 يوليو 2024 07:59 م
"عريس الجنة".. أحمد رفعت بطلًا في ماتش اعتزال الحياة
06 يوليو 2024 04:45 م
بعد وفاة اللاعب أحمد رفعت.. كيف تنعش عضلة القلب؟
06 يوليو 2024 12:52 م
لوحة استراحة العائلة المقدسة في مصر بمبلغ خيالي.. ما قصتها؟
05 يوليو 2024 11:09 م
"فرقة العمال المصرية".. مترجم ينصف جده بعد قرن من الزمان
05 يوليو 2024 07:15 م
"عطيتو".. طبيب عيون يحول الروشتات إلى لوحات فنية (خاص)
05 يوليو 2024 05:09 م
الذكاء الاصطناعي يضع "ميتا" في ورطة.. القضاء الإسباني يفتح تحقيقا
05 يوليو 2024 04:48 م
أكثر الكلمات انتشاراً