ريهام سعيد تعرض كلبها للتبني: "مش هينفع نقعد مع بعض"

عرضت الإعلامية ريهام سعيد، كلبها “فرانك”، للتبني، بعد إصابته بحساسية، وذلك عبر حسابها على موقع تبادل الصور والفيديوهات “إنستجرام”.

ونشرت ريهام سعيد، صورة “الكلب”، معلقة: “ده فرانك صديقي الصدوق وأوفى حد في الدنيا جالي حساسية جامدة وماينفعش خلاص نقعد مع بعض. فرانك عنده 3 شهور حد من أصحابي عايزه؟”.

حقيقه أعتزال ريهام سعيد الأعلام

وجرى تداول شائعات مؤخرا حول اعتزال الإعلامية ريهام سعيد، التمثيل والإعلام، إلا أنها نفت مؤكدة أنها ستتخذ كل الإجراءات القانونية ضد من نشر وروج شائعة اعتزالها.

الإعلامية ريهام سعيد

وظهرت الإعلامية ريهام سعيد، خلال بث مباشر عبر صفحتها الرسمية بموقع فيسبوك، مهاجمة بعض المواقع الإخبارية التي نشرت خبر اعتزالها، قائلة، "عايزة أوجه رسالة للست اللي مش عايزة تسيبني في حالي، الحملة الممنهجة اللي بتتعمل دلوقتي إن ريهام سعيد اعتزلت الإعلام والتمثيل والأخبار كلها نازلة مع بعض بنفس الصيغة، ناس قعدوا امبارح وقرروا يقضوا على الست دي لمجرد إنها موفقة في قناة هي".

أضافت ريهام سعيد، "أنا كتبت امبارح إني هعمل لايف في صلاة الفجر عشان نختم القرآن، بعدين لقيت إني نفسيًا مش قادرة، موضوع وشي لسة مش قادرة اتغلب عليه، لسه مضايقني، فقولت سامحوني أنا هبعد فترة لحد ما ارجع نفسيتي، وإإن شاء الله ربنا معايا وأرجعلكم تاني".

تابعت، "فجأة لقيت ولاد الحلال بمنتهى الشر كتبوا إني بعلن اعتزالي، أي موقع هيكتب دلوقتي هذا الخبر، أقسم بالله هاخد الإجراءات القانونية ومش هتنازل عن حقي".

وهددت ريهام سعيد، خلال البث المباشر، قائلة، "انت عارف حجم الأضرار اللي هتسببها للقناة أو عدم التعويض اللي انت هتدفعه؟، خلي اللي زقك عليا ينفعك".