التعليم عن تسريب امتحان الكيمياء: "لن نتستر على أي مخالفة"
الثانوية العامة
إيمان رزق
أكد مصدر مسؤول بوزارة التربية والتعليم والتعليم الفني، أن الوزارة تجري فحصا شاملا حول ما أثاره بعض مدرسي مادة الكيمياء للثانوية العامة، بخصوص تشابه عدد من الأسئلة في المراجعات النهائية مع أجزاء من الامتحان هذا العام.
وقال المصدر لـ"تليجراف مصر"، إن التحقيقات الموسعة تدرس كل ما أثير على منصات التواصل الاجتماعي، سواء من معلمين أو أولياء أمور، للوقوف على الحقيقة، مع دراسة كل سؤال على حدة وعلاقته بأسئلة الامتحان.
وأضاف أن اللجنة المتخصصة تضمن كوادر من المركز القومي للامتحانات، والهيئة الاستشارية للمادة، وتقوم بالتدقيق الصارم في كل ما أثير للوصول إلى الحقيقة الدقيقة والمفصلة حول امتحان الكيمياء، مشددًا على أن "أي مخالفة لن يتم التستر عليها".
وأثار بث مباشر على "فيسبوك" لمدرس كيمياء يدعى محمد عارف، ضجة كبيرة على منصات التواصل الاجتماعي، بعد تأكيده أن "امتحان الكيمياء تم بيعه لبعض المدرسين قبل شهور".
وقال عارف "أقسم بالله كل اللي بقوله حصل، أنا معايا شات يثبت كلامي، ورقم التليفون واتكلمت، والموضوع بدأ من شهر 3 اللي فات، كلمني شخص قالي إنه من وزارة التربية والتعليم وعايز يتعرف عليا وهو من بلبيس، وبعدها قالي إنه عايز يعرض عليا عرض إنه يديني فلاشة فيها 200 سؤال لأسئلة امتحان الكيمياء، وبعد الامتحان أنزل دعايا إن مراجعتي جه منها الامتحان وانزل اسكرينات لحاجات معينة، زي اللي حصل في امتحان الفيزياء السنة اللي فاتت بالضبط".
وأضاف "أنا اتخضيت، قالي احنا بندي الامتحان لأكتر من حد لكن اللي اتمسك في الكيمياء كان غبي، ونزل الأسئلة بنفس الأرقام، قالي فكر وهكلمك تاني، وكلمته قولتله اشمعنا أنا، قالي إن مجتهد وشغال والموضوع مش ليك، بس هندي لأكتر من مدرس في أكتر من محافظة، مكنتش عارف اعمل إيه وخايف، لكن في حد قالي هات أخره، فكرت الحقيقة أخدها منه واحطها في مرجعاتي، وقولت لو جت هكسب ثقة الطلاب مجتش مش خسران حاجة، وقولت كده هتشهر لكن فكرت إن لو اتشهرت كده الفلوس هتبقه مبنيه على حرام".
وتابع عارف، "كنت بين نارين، نار الفضول، وإنه حرام، قعدت فترة بفكر وهو بيزن عليا بطريقة مريبة، وكل لما الوزارة كانت ماتنزل كتاب يبعتهولي، واتفقنا نتقابل لكن اتأخر عليا مشيت روحت حصة جه ليا رفضت أقابله وقفلت الباب، وبعد الامتحان لقيت مدرسين فعلا منزلين اسكرينات ونفس الدعايا اللي كان طلبها مني، وإن الامتحان من توقعاتهم، وأنا مستعد أساعد وأقول كل اللي معايا، ومعايا رقم الراجل واسمه واسكرينات بكلامه".
الأكثر قراءة
-
05:08 AMالفجْر
-
06:36 AMالشروق
-
12:52 PMالظُّهْر
-
04:24 PMالعَصر
-
07:07 PMالمَغرب
-
08:26 PMالعِشاء
أخبار ذات صلة
رابط نتيجة الثانوية العامة الدور الثاني 2024 علمي علوم بالدرجات
09 سبتمبر 2024 09:17 ص
رابط نتيجة الثانوية العامة الدور الثاني 2024 علمي رياضة بالدرجات
09 سبتمبر 2024 08:42 ص
طقس الاثنين.. حار على أغلب الأنحاء
09 سبتمبر 2024 04:00 ص
تحت إشراف وزير الأوقاف.. احتفالية سنوية لتكريم 320 طفل من حفظة القرآن الكريم
09 سبتمبر 2024 01:05 ص
رسميا.. رابط نتيجة تقليل الاغتراب 2024
09 سبتمبر 2024 12:42 ص
إحالة أطباء بمستشفى شبين القناطر للتحقيق لهذا السبب
08 سبتمبر 2024 11:42 م
الشعر لفك السحر وقرشين لـ"عم خير".. قصة أشهر "مزين حمير" في قنا
08 سبتمبر 2024 07:34 م
الإفتاء تُوضح حكم امتناع المرأة عن زوجها المدخن
08 سبتمبر 2024 10:19 م
أكثر الكلمات انتشاراً