لميس الحديدي عن "زفة المعادي": "سلوكيات خطيرة وعيال بتخمس"

علقت الإعلامية لميس الحديدي، على حادثة سقوط سيارة زفة في نهر النيل بالمعادي، ما أسفر عن وفاة 3 أشخاص بينهم شقيق العريس.

وقالت لميس الحديدي عبر برنامجها "كلمة أخيرة"، المذاع على قناة on: "مبقتش الزفة بالشكل المعتاد اللي عارفينه زمان معتمد على كلكسات العربية".

وأضافت "أخذت شكلاً آخر وبقت عبارة عن سلوكيات مرورية خطيرة وبقت عبارة عن عيال راكبة عربيات ماشية تخمس ورا بعضيها واللي ماشي وراهم مش عارف يروح فين؟".

وتابعت: “أنا كتير ببقى سايقة وبشوف السلوكيات دي بروح راكنة ومش بكمل لحد ما يعدوا  حتى لو متأخرة لأن اللي بيحصل رعب وأنا بيصبني الرعب لأنه بيبقى طاير يمين وشمال ممكن يطير أي عربية وهو مشهد متكرر يؤدي لكوارث”.

واختتمت "بيبقى صف عربيات مكونة من 2 و3 ورا بعض وكل عربية تستعرض شطارتها، ده كده كويس ممكن كمان يبقى فيه شماريخ ويطلعلي حاجات".