أرجوكم امسحوا الفيديو.. هدير عبدالرازق: "محدش هيشوفني تاني"

جانب من فيديو البلوجر هدير عبدالرازق

محمد العبساوي

A A

ظهرت البلوجر هدير عبدالرازق، في فيديو جديد، على حسابها الشخصي على منصة إنستجرام، لأول مرة، بعد انتشار فيديو مخل يظهرها برفقة شخص آخر.

وقالت هدير عبدالرازق خلال الفيديو: “كلكم عارفين المشكلة اللي حصلتلي من شهر وربنا كرمني وقدرت أطلع منها ولسه القضية شغالة، وبالنسبة للتريند اللي طالع باسمي اليومين دول والفيديو غير الأخلاقي اللي منتشر، أنا سمعتي ادمرت بسببه ومابقتش موجودة أصلا”.

وأضافت “أنا منهارة أنا وأسرتي كلها ومش عارفين نعمل إيه، أنا كنت ناوية بعد المشكلة الأخيرة أتوب وأبعد عن السوشيال ميديا وأبطل أصور فيديوهات تاني وكنت هختفي تماما”.

وتابعت: “أنا كنت محبوسة بسبب مشكلة تقديم المحتوى على التيك توك مش بسبب الفيديو اللي منتشر اليومين دول، أنا اتفاجئت زي زيكوا بالفيديو المنتشر باسم فضيحة هدير عبد الرازق، وأنا مش طالعة أبرر إن مش أنا في الفيديو، والفيديو مش بتاعي، الفيديو بتاعي للأسف بس أنا معرفش انتشر إزاي ومين نشره”.

وأردفت “أنا لغاية دلوقتي موبايلي اللي بطلع منه لايفات على حساباتي على تيك توك متحرز في القضية اللي أنا فيها، وأنا معرفش الفيديو انتشر إزاي وليه، والولد اللي ظهر في الفيديو مش هو اللي بيظهر معايا في الفيديوهات”.

وواصلت “أنا بنت محترمة وأخلاقي كويسة وبنت ناس، أنا طالعة أحاول أنقذ ما تبقى من كرامتي وكرامة أهلي، والشخص اللي كان معايا في الفيديو كان جوزي، وعلى سنة الله ورسوله، وأنا ما كشفتش عن موضوع جوازي على السوشيال ميديا، عشان بحب الخصوصية”.

واستطردت “هو محصلش بينه وبيني نصيب وانفصلنا من سنة، والفيديو ده أنا معرفش اتنشر إزاي ومين نشره، وأنا لو مش محترمة كنت مشيت غلط وكان بيجيلي عروض كتير من أشخاص كتير وكنت برفض وعمري ما صاحبت شباب أنا بتجوز ومبعملش حاجة حرام”.

وطالبت هدير عبدالرازق المتابعين ورواد مواقع التواصل الاجتماعي بحذف الفيديو وعدم مشاهدته، مختتمة “اتقي الله أنت عندك أخت زيي، وأي حد بينشر الفيديو خصيمي أمام ربنا يوم القيامة، وأهلي ادمروا وحياتي ادمرت، وبيتي اتخرب بسبب الفيديو وحياتي باظت، وبعد اللايف ده أنتوا مش هتشوفوني تاني”.

وفي شهر مايو الماضي؛ ألقت الإدارة العامة لمباحث الآداب القبض على البلوجر الشهيرة، من داخل شقتها بأحد كمبوندات القاهرة لاتهامها بنشر فيديوهات تحرض على الفسق والفجور.

الأجهزة الأمنية رصدت نشر البلوجر هدير عبدالرازق، لعدد كبير من مقاطع الفيديو على مواقع التواصل الاجتماعي "تيك توك وفيسبوك وانستجرام" وتحرض من خلالها على الفسق والفجور، وتم التحفظ على هاتفها المحمول.

ودلت التحريات على أن المتهمة هدير محمد عبد الرازق، المقيمة بالحي الثاني بمدينة بدر، كانت تتعمد نشر فيديوهات تتضمن إبراز مفاتن جسدها والقيام بإيحاءات مخلة مع عدد من الشباب بهدف تحقيق مشاهدات عالية بعد نشرها على منصات "تيك توك وفيسبوك وإنستجرام".