جنة عليوة ترد على ادعاءات شهد سعيد: "لو مش قاصدة كانت رجعتلي"

كشفت جنة عليوة، لاعبة منتخب مصر للدراجات، تفاصيل جديدة بشأن واقعة تعرضها للسقوط خلال سباق بطولة الجمهورية بعد اصطدام زميلتها شهد سعيد بها.

قالت جنة، خلال لقائها ببرنامج "علي مسؤوليتي" الذي يقدمه الإعلامي أحمد موسي ويذاع علي فضائية "صدي البلد"، "أنا كنت بفتح مجال لـ شهد سعيد وهي ورايا لكن هي جت من اليمين للشمال ورايا عشان توقعني ومدخلش أنا الأول".

وأضافت "هي تعمدت توقعني لأن لو كنت سبقتها كانوا هيخسروا في نتيجة الفرق والفردي، هي كانت شايفة إن كفايا علينا كده".

وتابعت "هي كانت متعمدة ولو مكنش قصدها كانت تلف وترجعلي لكن هي خدت العجلة بإيديها الاتنين وكملت، أنا شوفت منها باور لحظتها مشفتوش من أول السباق".

وختمت جنة "هي بتقول إنها سندت عليا لو هي كانت سندت علي زي ما بتقول أنا منطقي كنت هقع الناحية التانية لكن هي شدتني ووقعت ناحيتها يبقي إزاي غصب عنها، هي عارفة إنها عاملة مصيبة عشان كده خلصت وروحت على طول".