شهد سعيد: "إحنا بقينا ماشيين بالسوشيال ميديا"

قالت شهد سعيد، لاعبة منتخب مصر للدراجات، إنها تعلم أن الناس لا يريدون مشاركتها في أولمبياد باريس وتمثيل مصر.

وأضافت خلال لقائها ببرنامج "على مسؤوليتي" الذي يقدمه الإعلامي أحمد موسى، ويذاع على فضائية "صدي البلد": "الناس سمعت من طرف واحد ومحدش مصدقني أنا مش متعمدة وليه أصلا هبقى متعمدة أنا لو مكانها مكنتش هعمل حاجة لو أنا اللي اتصابت وجت اعتذرتلي كنت هقبل، أنا مش متعمدة أنا مفيش بيني وبينها عداوة هو أنا هموت روح عشان ميدالية".

وأعلنت اعتزالها على الهواء قائلة "أنا مش هلعب عجل تاني ومش عايزة ألعب تاني الناس مش عايزاني أمثل مصر أنا بعلن دلوقتي إني هعتزل استجابة لطلبات الناس".

وتابعت "أنا لو من جوايا متعمدة مكنش زماني مضايقة دلوقتي بس إحنا بقينا ماشيين بالسوشيال ميديا، أنا أخطأت لكن مش للدرجة دي أنا كل الدنيا بتهاجمني، أنا بلعب بقالي 4 سنين ومفيش مرة حصل معايا كده أنا اعتذرتلها وقمت عشان أبوس على دماغها وهي رفضت هي قالت إني شبه المجرمين وهتدخلني السجن معاهم".