رئيس نادي 6 أكتوبر: "حولوا جنة عليوة للتحقيق بدل العلاج"

نيفين عبد الغني

A . .A

كشف الدكتور عبد اللطيف صبحي رئيس نادي 6 أكتوبر، مفاجآت صادمة عن كواليس أزمة اللاعبة جنة عليوة لاعبة منتخب مصر للدراجات مع زميلتها شهد سعيد.

وقال خلال مداخلة تلفزيونية مع برنامج "على مسؤوليتي" الذي يقدمه الإعلامي أحمد موسى ويذاع على فضائية "صدي البلد"، "في مأخذ كبير علي الاتحاد في إدارته للملف ده من البداية".

وأضاف "الواقعة تمت يوم 28 أبريل ووقتها تواصلت مع وزير الشباب والرياضة ووضحتله الأمر وهو قالي روح بكرة لرئيس الاتحاد عشان تجيب حق البنت ورحت بالفعل وقابلته وبعض أعضاء مجلس الإدارة وكلمتهم في نقطتين، النقطة الأولى أنا عايز أطبق اللوائح والقوانين عشان أجيب حق البنت والثانية أطبق الميثاق الأوليمبي إن الرياضة قيم وأخلاق".

وأضاف "البطولة اللي لعبها أولادنا بطولة دولية فلازم نطبق عليها لائحة النظام الأساسي للاتحاد الدولي للدراجات وهي إيقاف البنت دوليا وتغريمها 5 آلاف فرانك سويسري، وده اللي كان لازم يطبق، ولكن فوجئت تاني يوم بفاكس بتحويل جنة للتحقيق وأنها لو مجتش خلال 48 ساعة هتبقى موقوفة عن اللعب وهي أساسا كانت في المستشفى جوه العمليات، وإحنا اللي تكفلنا بعلاجها كامل والاتحاد لم يتكلف أي شيء".

شهد سعيد جنة عليوة منتخب مصر للدراجات

رابط مختصر