بعد حملات المقاطعة.. تفاصيل تأجيل حفل مطربة كندية في مصر

كشف الفنان الشاب كريم كريم، تفاصيل تأجيل حفل لـ المطربة الكندية بلونديش، بعد حملات المقاطعة التي هاجمتها عبر مواقع التواصل الاجتماعي، بعد إعلان دعمها للاحتلال الإسرائيلي.

وأعلن كريم في فيديو  عبر حسابه الرسمي بموقع الصور والفيديوهات إنستجرام، عن تأجيل حفل المطربة الكندية.

وقال “الحفلة اللي كانت جاية مصر دي اسمها Abracadabra، اللي فيها بلونديش شريكة، وشريكة بلونديش طلعت إسرائيلية رسمي، يعني الحفلة اللي كانت هتتعمل دي كانت هتبقى حفلة إسرائيلية على أراض مصرية”. 

القضية الفلسطينة إنسانية

وتابع: “القضية الفلسطينية إنسانية قبل ما تكون قضية عربية أو دينية، وللمستقبل اللي مش معانا ضدنا، الحتة اللي في النص دي مش موجودة ومعناها أنهم ضدنا خايفين”.

وأردف “واللي حصل ده يوريكم أننا غاليين وياريت منرخصش نفسنا تاني لـ ناس ميسوش، واللي ميعرفش بلونديش عملتلي بلوك ومنظمي الحفلة عملولي بلوك”.

فيديو انتصار

وأكمل “ده فيديو انتصار ولكن مش انتصار كامل، لأن الحفلة اتأجلت ولسه متلغتش، ولكن بالتاريخ كده لما حفلة تتأجل بالمنظر ده بيبقوا عايزين يعززوا المغنية فمبيعلنوش الإلغاء علشان يحافظوا على كرامتهم، الشركة المنظمة نزلت أن الحفلة اتأجلت”.

طلب من الجمهور

وأكد كريم أنه يريد من الجمهور أن يرسلوا لـ بلونديش أنها غير مرحب بها في أرض مصر وأنهم غير متقبلين وجودها في مصر تحت أي ظرف.