الأم "البطل الخفي" وراء نجاح أحمد الجندي وتحقيق الذهب

أحمد الجندي
أحمد زهران
أكد الصحفي مصطفى عامر، أهمية دور الأم في حياة الإنسان، مشيرًا إلى أنها كانت السبب الرئيس في نجاح البطل المصري أحمد الجندي، والمساهم الأساسي في تحقيقه للميدالية الذهبية.
تصريحات مصطفي عامر
ونشر مصطفى عامر على صفحته على فيس بوك، قائلا: "لما كان أحمد الجندي صغير، كان عنده حساسية في الصدر، والأطباء نصحوه يمارس السباحة علشان يحسن تنفسه، لكن والدته ما اكتفتش بكده؛ قررت تشجعه على ممارسة خمس رياضات في نفس الوقت عشان ينظم نفسه ويكون بطل رياضي. ومن هنا بدأت رحلته في الخماسي الحديث، وبقى البطل اللي نعرفه النهاردة”.
وتابع "في 2017، قررت والدة أحمد تستقيل من شغلها كمدرسة عشان تركز في كل تفاصيل حياته، كانت تصحى من الفجر، وتوديه التمرين، وتنظم له مواعيده ودراسته، عشان يقدر يركز في الرياضة ويحقق أحلامه".
وأضاف "قبل أولمبياد طوكيو، لما كان أحمد لسه مش معروف ومحدش كان راهن عليه، كانت أمه دايمًا في المدرجات تشجعه وتدعمه، كانت دايمًا وراءه، وبفضل دعمها، قدر يحقق المعجزة، من المركز 13 لحد ما حصل على المركز الثاني وفاز بالفضية كأول مصري وعربي وأفريقي يعملها".
وأكمل “مشوار طويل قامت بيه الأم علشان تصنع بطل أولمبي عظيم، كرست وقتها كله علشانه وعاشت حلمه كأنه حلمها، وسندته في كل بطولة من وهو صغير لحد ما جاب الذهب. عشان كده كان طبيعي أول احتفال له بالذهب يكون معاها، كأنه بيقول 'لولاكي ما كنتش هنا”.
واختتم "الأم هي جمهورك الأول، وهي البطل الحقيقي في الخفاء، هي اللي تقدر تشجعك وتصدقك فتصدق نفسك أكثر وتقاتل عشانها، أحمد الجندي ما كانش هيحقق اللي وصل له من غير والدته العظيمة اللي غيرت مسار حياته وخلتنا نشوف أعظم رياضي مصري على الإطلاق".

أخبار ذات صلة
يورتشيتش يحذر لاعبي بيراميدز قبل مواجهة الجيش الملكي في الإياب
03 أبريل 2025 11:23 م
متحدث الزمالك: قرارات الرابطة غير متوقعة
03 أبريل 2025 11:14 م
مجانًا.. فيفا يكشف المنصة الناقلة لمونديال الأندية وإطلاق حزم التذاكر
03 أبريل 2025 10:25 م
الأهلي يستعد لسوق الانتقالات الصيفية ودراسة خيارات متعددة لدعم الفريق
03 أبريل 2025 10:15 م
منتخب الناشئين يودع أفريقيا إكلينيكيا بعد الخسارة أمام بوركينا فاسو
03 أبريل 2025 09:20 م
التشكيل الرسمي.. تشيلسي ضد توتنهام في ديربي لندن
03 أبريل 2025 08:21 م
تفاصيل رفض مستشاري مجلس الوزراء تعديلات قانون الرياضة
03 أبريل 2025 08:06 م
ريال مدريد يعلن تجديد عقد المدافع الواعد حتى 2029
03 أبريل 2025 07:38 م
أكثر الكلمات انتشاراً