الأوقاف تحقق في منع كريم الحسيني من أداء صلاة العصر

فتحت وزارة الأوقاف، تحقيقًا بشأن منع الفنان كريم الحسيني من الصلاة في مسجد الشهيد أحمد حسن الجنيدي في المقطم.

وكان الفنان كريم الحسيني، نشر مقطع فيديو عبر حساباته على مواقع التواصل الاجتماعي، هاجم من خلالها عامل مسجد الشهيد أحمد حسن الجندي، لمنعه من أداء صلاة العصر.

وقال في الفيديو: “أنا لما أبقى ماشي على طريق وأركن وأكون عاوز أصلي العصر والساعة دلوقتي مكملتش خمسة ونص”.

معلش إحنا قفلنا الجامع

وتابع: "لسه الناس بتخرج من المسجد، اسمه الشهيد أحمد حسن الجندي في المقطم، وأركن وأقوله عاوز أصلي العصر، يقول لي معلش إحنا قفلنا الجامع".

وأكمل: "قلت له بتتكلم جد ولا بتهزر، قال لي بتكلم جد، سألته ليه طيب أنا مش جاي في صلاة المغرب، أنا جاي في صلاة العصر، ولسه الناس ماشية، اللي عاوز يصلي يعمل إيه، قال لي جملة في منتهى الكوميديا، قال لي يصلي في بيته".

عاوز أصلي 

وزاد: "قلت لو أنا مش في البيت وركنت وعاوز أصلي يكون فين؟ـ قال لي أنا عبد المأمور، يعني أطلع المصلية وأصلي هنا في الساحة موافق طيب، هل ممكن أدخل أتوضى، رفض وقالي أنا آسف، قلت له طيب أتيمم ولا أدخل أتوضى في كافيه".

وتساءل: "هل إحنا وصلنا لهذه الدرجة، بتكلم بجد وسؤال لكل الناس هو إحنا بنقفل الجوامع بعد الفريضة مباشرة، ده العصر مفتوح لغاية المغرب، هل ده يعقل، ردوا عليا يا أهل الخير".