عمرو أديب: احترم نفسك أنت في حضرة الزمالك
عمرو أديب
أحمد زهران -
علق الإعلامي عمرو أديب، على تتويج نادي الزمالك بكأس السوبر الإفريقي، مشيدًا بفوزهم على النادي الأهلي في مباراة حُسمت بركلات الجزاء الترجيحية بعد التعادل 1-1 في الوقت الأصلي.
تصريحات عمرو أديب
وقال عمرو أديب في تصريحات عبر برنامجه "الحكاية"، المذاع على قناة "إم بي سي مصر": "لو كان فيه حاجة تتعلمها من ماتش إمبارح هي الآتي، أوعى تقلل من حجم الزمالك أوعى تفتكر إن الزمالك لقمة طرية أو ممكن تتريق عليه أو تعتبره فريق سهل".
الزمالك تاريخ وموهبة
وأضاف: "الزمالك ده تاريخ وموهبة ومهارة وروح، اتفرج إمبارح على روح الفانلة السوداء يا عيني يا منسي وأنت بتدخل الجون الحلال الملعوب والحريف، أحسن حاجة عملوها إنهم حفلوا علينا قبل الماتش وناصر منسي جاب القاضية ممكن، وأنت بتتريق علينا يا رامي ربيعة لازم تشرب بتتريق على مين، هو ده الزمالك يا ابني مينفعش تتريق علينا، حالة غرور واعتزاز من الأهلي غير طبيعية".
الحظ يبتسم للزمالك بعد 20 عامًا
وواصل: "إمبارح الحظ بيقولك تعالى ده وسام أبو علي بيضيع ركلة جزاء، يجي الحظ الزملكاوي لأول مرة من 20 سنة الجنرال حظ يبتسم للزمالك، ما تتريقش على الزمالك وبلاش غرور احترم نفسك أنت في حضرة نادي العظماء، امبارح اللي كان بيلعب أحسن هو الزمالك، اتحسب للأهلي بنالتي طيب البنالتي بتاعت الزمالك فين وأين الفار وفين الطرد بتاع حسين الشحات ولا الهوا".
احذروا غضب الزمالك
واختتم: "في النهاية يفوز نادي الزمالك واحذروا غضب الزمالك، بقالنا مدة طويلة مستنيين نصرة وحاجة تدفعنا والماتش ده على فكرة مكنش هيفيد الأكل بحاجة عندهم كاسات كتير إنما الزمالك كان محتاج إلى ركلة البداية ليصل إلى أعلى المستويات، هذا هو عام الزمالك، الأهلي ملعبش بجنيه أقسم بالله كان في أسوأ حالاته وأول مرة أشوف الأهلي قلقان جدا وخايف، لأول مرة اللى يكسب اللي يستحق والحظ مش كل حاجة الأهم هو المجهود".
-
05:21 AMالفجْر
-
06:48 AMالشروق
-
12:45 PMالظُّهْر
-
04:09 PMالعَصر
-
06:41 PMالمَغرب
-
07:58 PMالعِشاء
أحدث الفيديوهات
أخبار ذات صلة
الأهلي يعلن تفاصيل إصابة محمد هاني
30 سبتمبر 2024 01:03 ص
تعادل درامي بين الريال والأتليتي في ديربي مدريد
30 سبتمبر 2024 12:34 ص
الزمالك يتسلم البطاقة الدولية لـ"كوستا" ويقيده في القائمة الأفريقية
29 سبتمبر 2024 11:25 م
الشريعي: نطالب الزمالك بـ50 ألف دولار.. ومجلس لبيب مُلتزم (خاص)
29 سبتمبر 2024 10:48 م
أفضل وصيف.. الأهلي يخسر من برشلونة ويتأهل لنصف نهائي مونديال اليد
29 سبتمبر 2024 09:50 م
توتنهام يمطر شباك مانشستر يونايتد بثلاثية في قمة البريميرليج
29 سبتمبر 2024 09:15 م
ملامح قائمة المنتخب لمواجهة موريتانيا.. مفاجأة بشأن إمام عاشور
29 سبتمبر 2024 09:55 ص
مصطفى محمد يشارك في تعادل نانت مع سانت إيتيان بالدوري الفرنسي
29 سبتمبر 2024 08:27 م
أكثر الكلمات انتشاراً