نجيب ساويرس: "أنا مش عايز أشتري النادي الأهلي"

علق رجل الأعمال نجيب ساويرس، على الانتقادات التي تعرض لها خلال الساعات الماضية من جماهير النادي الأهلي، عقب دعوته لخصخصة القلعة الحمراء، وطرح أسهمها في البورصة.

وقال ساويرس خلال تصريحات تليفزيونية، عبر برنامج حضرة المواطن، بقناة الحدث اليوم، مساء الثلاثاء: “أنا ناديت إن النادي الأهلي يتم خصخصته وطرحه في البورصة، وكل واحد أهلاوي يشتريله كام سهم”.

وأكمل: “بيتهموني إني اللي عايز أشتري النادي الأهلي، أنا مش عايز أشتري النادي الأهلي، أنا عايز الأهلي يدار بمنظومة اقتصادية”.

واستكمل: “الأندية بيزنس مش نشاط رياضي فقط، ومانشستر يونايتد ثمنه 6 مليار دولار، ومطروح في البورصة، وكل المشجعين بيشتروا الأسهم”.

موقف ساويرس من شراء أسهم الأهلي

وعن موقفه من شراء النادي الأهلي حال طرحه في البورصة، رد ساويرس قائلًا: “ممكن أشتري أسهم في الأهلي، أبقى أهلاوي إزاي لو مشترتش، بس مش هشتري 100% من النادي أو عشان أبقى مسيطر، أنا هشتري عشان أثبت إني أهلاوي بس”.

وتعرض ساويرس لهجوم حاد من جماهير النادي الأهلي، عقب الدعوات بخصصة النادي الأهلي وطرح أسهمه في البورصة للراغبين في شراءها كباقي أندية العالم.