المتهم بقتل صديقه في فيلا 15 مايو: "بسبب نص كيس حشيش"

المجني عليه

A A

شهدت فيلا بمدينة 15 مايو بمحافظة القاهرة جريمة قتل مأساوية، حينما أقدم شاب على إنهاء حياة آخر بعد خلافات بينهما على شراء بعض المواد المخدرة.

وحصل "تليجراف مصر" على نص التحقيقات في القضية، وجاءت أقوال المتهم كالتالي:

جريمة مخدرات تنتهي بمأساة

وقال المتهم: “اللي حصل إني أعرف المجني عليه أحمد محمد علي محمد من حوالي شهرين أو ثلاثة عن طريق جماعة أصحابي في منطقة المشروع اللي في حلوان، وكنت قاعد معاه كذا مرة كده، وجمعتني بيه كذا قعدة، وصارت في علاقة بيني وبينه. لحد ما جيت يوم وقفة العيد بحوالي أربع أو خمس أيام، كنت واخد من المدعو أحمد محمد علي نص كيس حشيش علشان أديه لحد يبيعه، وهبقى أديه الفلوس بتاعته بعد ما أصرفه. واتفقت معاه وقتها إني هاخد منه نص كيس حشيش وهبقى أديه الفلوس بعدها بيوم”.

شاب يقتل صديقه

وتابع المتهم: “بالفعل أنا قابلت المدعو أحمد يوم الخميس اللي فات، قبل الوقفة بيومين، الموافق 2024/6/13 الساعة تقريبًا 8 الصبح، وقابلته عند سوق مجاورة 9 في 15 مايو. هو جاب لي نص كيس الحشيش وقال لي عامل 3 آلاف جنيه قلت له لا، هو ألفين كويس، قال لي طيب ماشي خلاص تمام. قلت له أنا هديك الفلوس بكرة الجمعة”.

وأردف المتهم: “وجاء يوم الجمعة وهو بيرن عليا، قلت له أنا لسه مصرفتش النص كيس والفلوس مجهزتش. المهم شدينا مع بعض في التليفون بسبب إن الفلوس ما كانتش جاهزة. قلت له خلاص أول ما الفلوس تجهز أنا هبعتهالك على طول. المهم قفلنا على كده”.

شاب يقتل صديقه بـ3 طعنات داخل فيلا 15 مايو

وأضاف المتهم: “وجاء كلمني يوم الجمعة بالليل على الساعة 10 بالليل. قال لي بص بقى لو الفلوس ما جهزتش بكرة أنا هاجيلك البيت وهتلاقيني جوة بيتك. قلت له إزاي يعني؟ قال لي هو كده. قلت له يا عم ماشي براحتك”.

مسكني من التيشيرت بتاعي فقتلته

وأكمل "بعدها جالي البيت ومسكني من التيشيرت بتاعي، قمت أنا نغزته بالمطواة نغزة في بطنه من الناحية اليمين. وبعدين قمت ضربته ضربة ثانية في ضهره من ورا من الناحية الشمال، والثالثة جات في رقبته من الناحية الشمال، حوالي ثلاث طعنات".

بسبب المخدرات

س: ما هي الإصابات التي لحقت بالمجني عليه نتيجة لتلك الطعنات؟

ج: هو قعد يجيب دم من بطنه ومن ضهره ومن رقبته

س: هل كنت على علم بأن تلك الطعنات كافية لإزهاق روح المجني عليه؟

ج: أنا مكنتش أعرف إنه ممكن يموت بس هو لو كان خد من إيدي المطواه كان عمل فيا كدا برضه.

س: ما هي طبيعة الأرض محل الاعتداء على المجني عليه؟

ج: كانت أرض الجنينة وآخر طعنة كانت على المشاية السيراميك.

س: ما الذي حال دون ذلك؟

ج: لأني أنا بعد آخر طعنة لقيته نزل دم كثير وبعدين فضل يعمل في أصوات غريبة حسيت إنه خلاص بيخلص وبيطلع في الروح.

س: هل أبصر أي من أهلية منزلك حال اعتدائك على المجني عليه؟

ج: لا محدش شاف أي حاجة خالص.

س: كيف نما إلى علمك وفاة المجني عليه؟

ج: علشان هو صوته علي ومحمد وعمر أخويا طلعوا على الصوت وشافوا المنظر ومحمد أخويا قالي الله يخرب بيتك إيه اللي أنت عملته ده قولتله ده حرامي كان داخل الفيلا كان وقتها هو خلص خالص.

س: وما الذي بدر من أشقائك آنذاك؟

ج: هو محمد حاول يسعفه هو وعمر بس كان الواد اتوفى خالص.

س: وكيف نما إلى علمك ذلك؟

ج: علشان قطع النفس ونبضه وقف خالص.

س: أين تحديداً كان متواجد جثمان المجني عليه آنذاك؟

ج: كان في المشاية إلى قدام الباب الخشب جوة الفيلا.

محكمة حلوان الابتدائية

وكانت قررت غرفة المشورة المنعقدة بمحكمة حلوان الابتدائية، استمرار حبس المتهمين الـ5 في جريمة قتل الشاب "أحمد.م"، صاحب الـ23 عاما داخل فيلا بمدينة 15 مايو، وإلقاء جثته أسفل الطريق الأوسطي بمنطقة البدرشين صباح أول يوم عيد الأضحى الماضي، 10 أيام لاستكمال 150 يومًا تمهيدا لإحالتهم لمحكمة الجنايات وفقًا لقانون الإجراءات الجنائية القديم.

شاب يقتل صديقه جريمة قتل مأساوية فيلا بمدينة 15 مايو جريمة مخدرات تنتهي بمأساة جريمة مخدرات