عمرو أديب: أسعار السلع "بتزيد بالساعة"

عقّب الإعلامي عمرو أديب، على الارتفاعات المتواصلة في أسعار حديد التسليح والذهب والدولار بالسوق الموازي.

قال أديب، خلال برنامجه "الحكاية"، عبر فضائية "mbc مصر"، مساء الأحد، إن سعر الدولار في السوق الموازي أصبح أمرًا مضحكًا، متسائلًا: “اللي بيحصل في الدولار ده طبيعي؟، هي دي قوة الجنيه حاليًا؟”.

وأضاف مقدم "الحكاية": “أتصور أن القيمة الحقيقية للدولار في حدود الخمسينات والزيادة مجرد مضاربات، اللي شايفينه من قفزات يومية في الدولار والذهب وحديد التسليح غير طبيعية، وتنذر بخطر كبير”.

وواصل: “حاسس أنه فيه حالة هيستيرية، الناس بتزق سعر الدولار للارتفاع بسبب، حضور الدولار على موائد حديث المصريين بقى تسلية بدم وعذاب الآخرين”.

ارتفاع أسعار اللحوم

وتابع  أديب: “لما كيلو اللحمة يعدي الـ400 جنيه هيبقى في رمضان بكام؟، فيه مواد غذائية حاليًا تباع بالتقسيط، الجشع بيدمر السوق”.

واختتم: “الأسعار بتزيد بالساعة مش باليوم، مفيش سلعة في مصر اتحط عليها سعر لحد دلوقتي، التجار أقوى من الحكومة، إحنا خلصنا على وزير التموين الأسبوع اللي فات والأسعار لسه بتزيد”.