تامر حسني عن "النصف من شعبان": "ليها سِحر.. ادعولي"
تامر حسني
شيماء رستم
دعا الفنان تامر حسني جمهوره إلى الاهتمام بليلة النصف من شعبان، والتفرغ للعبادة حتى لو لساعات قليلة، وطلب منهم ألا ينسوه في دعائهم.
وعبر منشور له على موقع التواصل الإجتماعي “إنستجرام”، وصف حسني ليلة النصف من شعبان، بأنها “سحر”، مؤكدا أن له تجربة سابقة لاستجابة الدعاء في هذه الليلة.
ووجه تامر حسني إلى جمهوره رسالة بـ"العشم في رحمة الله مهما كانت الذنوب والتقصير، وعدم الاستماع لانتقادات الآخرين".
وقال تامر: "من النهاردة لبكرة، أعمالنا بتترفع لربنا، يعني كلنا نلحق نستغفر ونطلب من ربنا يسامحنا. محدش يتخيل إنه عمل أخطاء كتير، فمالوش عين يطلب. لا لا لا، مهما عملت اطلب حالاً، وياريت لو نصوم بكرة، أنا هعمل كده، وأي حد عنده شغل، ياريت يفضي شوية وقت، عشان يستغفر ويدعي كتير بقدر الإمكان".
وأكد تامر حسني على أهمية ليلة المنتصف من شعبان، قائلا: "اليوم ده ليه سحر، وأنا جربته كتير قبل كده، وهتحسوا في قلوبكم إن فيه حاجة اتشالت من عليكم، وبقيتوا مبسوطين أكتر، ادعوا بكل اللي تتمنوه أوي أوي. فرصة لأي حد عمل ذنب كبير غصب عنه، أو قاصد بس ندمان، فرصة إن ربنا يسامحه دلوقتي، بس نفتكره ونطلب منه. ياللا يا جماعة من دلوقتي، لبكرة، اعتبروا إن ده يوم بسنة كاملة، وجايز بكرم ربنا يبقى يوم بحياتك كلها، اجتهدوا فيه أوي، من صلاة، من تصدق، من ذكر، من دعاء، من صلة رحم".
وتابع: "هذه الليلة تستطيع من خلالها بدء صفحة جديدة مع النفس، ومع ربنا. إوعى تحس إنك بعيد، وماتسمعش كلام أي حد يقولك: يا عم انت بتعمل وبتعمل، قول له: ملكش دعوة، ليّ ربنا هيحاسبني مش إنت. ونخلي عندنا يقين مش عادي، ركزوا على كلمة "يقين مش عادي" إن ربنا سامعنا وهيستجيب لنا، وهيحقق لنا اللي بنتمناه، واللي هيكون صالح لينا، وهيسامحنا. عشان تفرق كتير أوي لو بتدعي وعندك يقين، أو معندكش، بتفرق كتير أوي صدقوني".
وأنهى تامر حسني منشوره طالبا الدعاء له، مؤكدا أنه يحتاج إلى دعوات محبيه.
الأكثر قراءة
-
05:14 AMالفجْر
-
06:42 AMالشروق
-
12:48 PMالظُّهْر
-
04:17 PMالعَصر
-
06:55 PMالمَغرب
-
08:12 PMالعِشاء
أخبار ذات صلة
في حفل الأسيوطي.. نجاتي وهلال يشعلان حماس الجمهور بـ"أنا لا مسطول"
19 سبتمبر 2024 09:29 ص
أزمة "الأم العذراء" تتصاعد.. إحسان الترك ثالث أبطال العرض الوهمي
19 سبتمبر 2024 05:02 م
"بنسيون دلال" يفتح أبوابه للجمهور 10 أكتوبر
19 سبتمبر 2024 03:56 م
سر الرقم 8.. شيرين ترد على شائعات مرضها بـ"الأغنية الأخيرة"
19 سبتمبر 2024 02:04 م
"مسيو" جميل راتب.. روائح فرنسا تجتاح تونس
19 سبتمبر 2024 02:47 م
أحمد ماهر يهاجم "الأم العذراء": أنا فارس المسرح العربي (خاص)
19 سبتمبر 2024 02:26 م
استغاثت بالنقابة.. "بشرى" بطلة في مسرحية لا تعرف عنها شيئًا
19 سبتمبر 2024 12:57 م
حجاج عبدالعظيم عن التجاني: لا أعرفه.. وأرفض الإساءة له
19 سبتمبر 2024 03:40 ص
أكثر الكلمات انتشاراً