مها أحمد باكية: "عمري ما تاجرت بإعاقة ابني" (فيديو)

مها أحمد
أحمد عفيفي
كشفت الفنانة مها أحمد، تفاصيل مرض ابنها، والذي أصيب بإعاقة نتيجة خطأ طبي تسبب في نقص الأكسجين بالمخ، مضيفة أن لم تقاض الطبيب الذي يقف وراء تلك الإعاقة.
وفي أول تعليق على طبيعة مرض ابنها، قالت مها أحمد خلال استضافتها ببرنامج "أسرار" مع الإعلامية أميرة بدر المذاع على قناة النهار: “أنا عندي أحمد ابني من ذوي الهمم، السبب في إعاقته كان دكتور ارتكب خطأ طبي، ومقاضيتشوش لأنه مش هيرجعلي مخ ابني، لأنه نقص أكسجين، والسبب وأنا بولد إن الدكتور شده بالشفاط، وبعدها خرجني ولدت في أوضة قيصري، ولو كنت قلت ساعتها عمرهم ما هيقولوا الحقيقة اللي حصلت جوة أوضة العمليات”.
أضافت باكية، “هو بالنسبالي الحياة وممكن ربنا يكون عمل كده عشان أدخل الجنة أنا وجوزي من غير ما نتعب في الدنيا، ابني لحد دلوقتي تعبه متعة وراحة بالنسبالي، أنا مش بعيط عشان أحمد، ولكن أحمد مالوش ذنب”.
تابعت، "وأنا نازلة لازم أحكيله ولو ضحك بعرف إن كده الموضوع اللي رايحة أعمله هيمشي، أي مكان بروحه بأخده معايا، ومجدي جوزي بيروح يشوف مكان مناسب عشان يبقى ينام فيه، واللي الناس متعرفوش إنى كل سنة بدخل بيه المستشفى عشان عنده نقص حديد ومحدش يعرف حاجة غير أهلي، وعمري ما طلبت لا من النقابة ولا أي حد فلوس، ولا سعيت إني أجيبله معاش زي ما سيادة الرئيس عامل للأطفال ذوي الهمم، ولو بتاجر بابني كان زماني في كل بلد شوية".
أضافت مها أحمد، "هفضل اشتغل ع تيك توك، ولو جالي شغل في منصة هشتغل، وأنا دخلت الجنة وأنا في الدنيا، مش بعيط عشان اللي حصل لابني ولا إنه معيوب، لو من عند ربنا عادي لكن لما يبقى خطأ طبي ده اللي بيزعل، وأنا في الجنة هسمع منه يا ماما وهجوزه في الجنة وربنا واعدنا في كده، ولكل أم لابن كده أصبري هتشوفي هيبقى إزاي في الجنة".
برنامج “أسرار” تقدمه الإعلامية أميرة بدر على شاشة النهار يومياً في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

أخبار ذات صلة
عمرو محمود ياسين: "وتقابل حبيب" تصدر قائمة الأعلى مشاهدة في رمضان
01 أبريل 2025 10:30 م
تركي آل الشيخ: إلغاء فيلم "الكلاب السبعة" وتعويض فريق العمل
01 أبريل 2025 09:36 م
طرح أغنية "جبارة" لـ بلاك تيما
01 أبريل 2025 09:26 م
طرح برومو فيلم "في عز الظهر" لـ مينا مسعود
01 أبريل 2025 08:15 م
سامح حسين يوضح تصريحاته بشأن الإجازات: "بحبها ولم أقصد إلغاءها"
01 أبريل 2025 07:43 م
ندى موسى تكشف حقيقة تعرضها لحادث خطير
01 أبريل 2025 06:07 م
طليق ابنة مطربة شهيرة.. الكشف عن هوية زوج نسرين طافش
01 أبريل 2025 06:04 م
ابن توفيق الدقن يقاضي "بلبن" بسبب إعلان يسيء للفنانين
01 أبريل 2025 04:05 م
أكثر الكلمات انتشاراً