مي عمر: فيلم هارلي بتاع محمد رمضان وطبيعي اسمه يتحط الأول

علقت الفنانة مي عمر عن أزمة فيلم “هارلي” لمحمد رمضان ومحمود حميدة بسبب ترتيب الأسماء على العمل، الذي سبب أزمة كبيرة بينهما.

‎وقالت مي عمر خلال استضافتها ببرنامج "أسرار" مع الإعلامية أميرة بدر المذاع على قناة النهار: "مزعلتش من أستاذ محمود حميدة وبحبه جدا، ومبسوطة إني اشتغلت معاه واتعرفت عليه، وأنا ماضية الفيلم من زمان ومتفقة على اسمي يتحط فين، لكن مشكلته مش معايا، والشغل معاه يكبر، واتفاقه كان حاجة تانية خالص مع جهة الإنتاج".

فيلم هارلي والتريند

وتابعت مي عمر "فيلم هارلي بتاع محمد رمضان وطبيعي اسمه يتحط الأول، وكان لازم يحصل اتفاق ويوصلوا لحل يرضي كل الأطراف، أنا بغضب بس لما أحس بظلم، ولما أتصدم في ناس كنت فاكرة أنهم كويسين وألاقي العكس، وفيه فترة من الفترات كان في حياتنا أزمة معروفة لكن عرفتنا الناس من حوالينا، وناس طلعت تهاجم عشان تطلع تريند، ومنهم ناس كانوا صحابنا لكن اتصدمت فيهم".

من جهة ثانية قالت مي عمر "أنا بحب نيللي كريم أوي وكاملة أبو ذكري خطيرة وأعمالها مميزة، وتدخل القلب جدًا ومحمد لو اتحط في مقارنة مع أي مخرج أكيد هختاره”.

برنامج "أسرار"

‎برنامج "أسرار" تقدمه الإعلامية أميرة بدر على شاشة النهار يوميا خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.