أمير مرتضى يردّ على رغبة أسرته في السيطرة على الزمالك

قال المشرف العام على قطاع الكرة بنادي الزمالك سابقا، أمير مرتضي منصور، "كنت بلعب في ناشئين الزمالك، وأنا من نفس جيل شيكابالا، وكان والدي نائب رئيس النادي، وده جعلني تحت ضغط على طول، أنا كنت هبقى لاعيب شاطر جداً وكمان مشهور، ولكن الضغوطات اللي كانت عليا وقتها جعلتني أترك فكرة كرة القدم".

وأضاف أمير مرتضي، خلال ظهوره في برنامج "أسرار" المذاع عبر قناة النهار “الناس بتتكلم على إني مش بفهم في الكورة وبتقول أنا المفروض أسيب الكوره وأهتم بمنصبي في الشرطة، مش عارف إزاي، إحنا كلنا شايفين أساطير كتير في الكورة زي محمد صلاح وكريستيانو رونالدو، محدش بيهتم بإيه دراستهم، ولكن هم لاعبين أساطير في مجالهم الأساسي”. 

وتابع “أنا شخصياً مكنتش بهتم بالانتخابات والتواجد فيها، وكنت مش بحب الاجتماعيات في النادي، كنت بهتم بقطاع الكورة فقط لا غير، وده كان أهم حاجة بالنسبة لي لأنه شغلي، وأنا كنت مقتنع في يوم من الأيام كنت هكون في منصب في النادي”.

واختتم "لما الناس كانت بتتكلم عن وجود عائلة مرتضى منصور وسيطرتها على النادي، ما ده شيء عادي جداً، ومعروف في عالم كرة القدم، يعني مثلاً في الإسماعيلي عائلة عثمان، و الأهلي عائلة صالح سليم وطارق سليم ودول من أساطير النادي".