كيف يشعر الميت بمن يزوره؟.. علي جمعة: بحاجة تشبه "الستالايت"

أجاب مفتي الديار المصرية السابق، الدكتور علي جمعة، على سؤال طفل حول كيف يشعر الميت بمن يزورون قبره رغم إن الروح صعدت إلى السماء؟

التواصل عن طريق الأقمار الصناعية

وقال جمعة، خلال حلقة برنامج "نور الدين"، المذاع على قنوات الشركة المتحدة، اليوم السبت: "حاجة كده زي الستالايت، ربنا علمنا في الدنيا التواصل عن بعد عن طريق الأقمار الصناعية، والشاشات، فما بالك بالملأ الأعلى، ولما تصعد الروح للبرزخ، فده عالم البرزخ له قوانين مختلفة عن قوانين الأرض".  
وأضاف: "إزاي بتبقى بتتكلم من واشنطن مع حد في صعيد مصر، في تطور كبير في الاتصالات والمواصلات في الدنيا، طبعا ده اللى ده ربنا علمه لينا، ما بالك اللي في الملأ الأعلى هيكون ضعفه تريليون مرة".

وأجاب مفتي الديار المصرية السابق، على سؤال طفل آخر “ليه الموت موجود أساسا؟”، بأن الموت رحمة، والإنسان في عمر الأربعين، يكون في عز القوة والفتوة، وكل ما يكبر يحتاج ولما يوصل لغاية 100 سنة مش هيقدر يتوضأ ولو بالشكل ده كان الموت أفضل".

وأضاف: "لو بالشكل ده كان سيدنا آدم كان يبقى لسه عايش وكان عمره هيبقى 100 ألف سنة، طيب إحنا عددنا فى العالم 8 مليار نسمة، ولو مكنش في حد بيموت كانت هتبقى دنيا غريبة عجيبة، ومكنتش هتلاقى موارد".

برنامج نور الدين

برنامج نور الدين، الذي يعرض على قنوات الشركة المتحدة، يفتح حوارا مع الأطفال والكبار حول تساؤلاتهم حول الدين والله عز وجل، إضافة إلى المشكلات الحياتية التى تواجه عباد الله وكيفية التغلب عليها.

ويرد على أسئلة للمرة الأولى على لسان أطفال صغار، دومًا ما يسألوها لأهاليهم الذين يجدوا نفسهم في حيرة من أمثلة فين ربنا، مش بنشوفه ليه، وغيرها من الأمور الذي يقف الآباء أمامها في حيرة شديدة دون إجابة.

وهو ما جعل البرنامج محل ترقب سواء للأهالي الذين ينتظرونه لفهم الإجابة الصحيحة، أو الأبناء الذين سيجدون في البرنامج فهمًا لما يحاولوا معرفته ويثبتهم بصورة صحيحة ما يبني عندهم وعيًا ويقينًا.