لقاء سويدان عن صفعها ميدو عادل: بيمثل سيد درويش بـ"كوتشي"

كشفت الفنانة لقاء سويدان، في أثناء حلولها ضيفة على بودكاست "Restart"، عن تفاصيل خلافها الشهير مع الفنان ميدو عادل في أثناء مشاركتهما تقديم مسرحية سيد درويش، والتي وصلت إلى تحرير دعاوى قضائية، اتهمها فيها “عادل” بصفعه.

وقالت سويدان عن خلافها مع ميدو عادل: “الموضوع أخد أكبر من حجمه، من ناحية إني ممثلة مسرح وكنت الأولى على دفعتي لمدة أربع سنوات واشتغلت مع أعظم نجوم مصر في السينما والمسرح والتلفزيون من أول سعاد حسني وأحمد ذكي، فأنا اتربيت على حاجات معينة وأساسيات مقدرش أغيرها”.

أوضحت، "ممينفعش أكون في مكان وحاسة إن المسرح بيتهان، يعني نطلع نحيي الجمهور بشورتات يبقى كده بنهين المسرح والجمهور، ولما نجيب أطفال نطلعهم في مشهد لا يصح ولا يليق بالأطفال يبقي بنهين الطفولة، ولما تكون بتمثل فترة زمنية بتاعة سيد درويش سنة 1919، وناس تظهر بفساتين جنس وكوتشيات يبقي إحنا كدا بنهزر”، تقصد بذلك ميدو عادل.

أضافت، “لقيت مفيش أي استجابة وأنا كواحدة عارفة يعني إيه التزام ويعني إيه رولز تقدمت بشكوى للأكبر مني سلطة ومحصلش فصل فيها، وتقدمت للشئون القانونية، والكلام ده كان من يوم 16-8-2023 والشكوى أحيلت إلى الشؤون القانونية يوم 26-8”. 

سبب صفعها لميدو عادل

وبسؤالها عن صفعها لـ ميدو عادل، قالت، "أنا لم أصرح أبدا إن ده حصل، اللي قال هو الطرف الآخر، وقال حاجات كتير قوي، لكن أنا
مقدرش اتكلم عن أي حاجة غير قدام النيابة الإدارية ونقابة الممثلين، ولما الموضوع تطور اضطريت ألجأ إلى النيابة العامة لأن فيه حاجات لن اتهاون فيها".

اختتمت، “أنا عندي كل ما يثبت كلامي من صور وفيديوهات وشهود، وعندي أدلة كتير جدًا مينفعش أخرجها للسوشيال ميديا، لأني لجأت للقانون وحذرت كتير وقولت يا جماعة مينفعش كدا، وإن عودتم عودنا، والمخرج قال دي رؤية مخرج، ولو دي كانت رؤيته مكنتش وافقت عليها من الأول، لأن كان بقالها 4 سنوات ناجحة”.

كان تبادل لقاء سويدان وميدو عادل الاتهامات بالاعتداء على بعضهما البعض، بعد إسدال الستار على أحد عروض مسرحيتهما “سيد درويش”، والتي يلعبان الدوران الأساسيان فيها.

واتهم عادل، زميلته لقاء سويدان بأنها صفعته على وجهه عقب إغلاق ستار العرض المسرحي، وهي الاتهامات التي تنفيها الفنانة تماما.