عمرو أديب عن "صفعة عمرو دياب": مسكه من وسطه.. منعرفش عمل إيه تاني في الزحمة

الفنان عمرو دياب
أحمد شوقي
وصف الإعلامي عمرو أديب تصرف الفنان عمرو دياب لشاب حاول التقاط صوره معه في حفل زفاف مساء الجمعة، بـ"ردة فعل" كبيرة لا يمكن استيعابها أو تبريرها، لكنها في الوقت ذاته لها عذرها.
وانتشر مقطع فيديو يظهر عمرو دياب وهو يصفع شابا حاول التقاط صورة معه خلال إحياء حفل زفاف، عرض الفنان لانتقادات من بعض جمهوره قبل كارهيه، ووصفت بردة فعل صادمة على معجب حاول توثيق لحظة قد لا تتكرر في حياته.
وقال أديب، خلال تقديمة برنامج “الحكاية” على “إم بي سي مصر، "إن الشاب اللي اتصفع المفروض إنه جاي علشان عنده شغل مش علشان يتصور، وحاول يتصور مع الفنان محمد رمضان لكن تجاهله، رد فعل عمرو دياب كان كبير، وضربه بالقلم حاجة محدش يقدر يستوعبها ولا يبررها، لكن انت مش هتتصور مع الهضبة بالعافية".
تابع، “عمرو دياب كان واقف بيغني يعني بيشتغل ومش مركز، صحيح رد الفعل غير مقبول إنسانيا لكن الهيستيريا بتاعة المعجبين اللي بيتصوروا مع المشاهير لم تعد مقبولة وزادت عن حدها، خصوصا أن في أحد الحفلات وفي فيديو سابق رأينا المعجبين يحاولون دخول الحمام وراء عمرو، وهو أمر غريب جدا”.
أضاف، “فنان واقف بيشتغل وجه واحد حط إيده في وسطه، ده أمر غريب جدا، أنا كفنان ليه أبقى مجبر على ده، الموضوع برضو بقى صعب أوي، وأنا مش بدافع عن طرف معين لكن بعرض الموضوع، بس الشخص المشهور ده بني آدم مينفعش تمسكه من غير استئذان، ليه تحط إيدك على وسطي، هو أنا عارف ممكن إيه يحصل بعد كده وإحنا في زحمة؟!”.
تساءل الإعلامي عمرو أديب، “كلنا شفنا لقطة الضرب لكن محدش شاف قبل كده حصل إيه؟!، محدش عارف الأمر تكرر قبل كده إزاي وليه وإيه ملابساته، في خطأين واضحين، خطأ الشاب ورد فعل عمرو، علشان في ناس بتتعامل على السوشيال ميديا مع الموضوع وكأنه رسالة، لأ أنا شفت مشاهير كتير في العالم وشفت القواعد المحطوطة في الاقتراب منهم وده معروف".
اختتم تعليقه، "في الآخر عمرو دياب واقف بيشتغل ومركز في الغناء وواحد جاي يتصور معاه بالإجبار ويحط إيده على وسطه، وهنا من حقه يقول مش هتصور ، أيوة رد الفعل عنيف لكن التصوير مش بالإجبار".

أخبار ذات صلة
لمدة 48 ساعة.. تعديل مواعيد الخط الثالث للمترو
04 أبريل 2025 09:38 ص
"فأما اليتيم فلا تقهر".. موضوع خطبة الجمعة اليوم
04 أبريل 2025 09:03 ص
1.2 مليار دولار.. الحكومة: صرف الشريحة الرابعة من صندوق النقد الدولي
03 أبريل 2025 02:54 م
ضبط 24 جوال دقيق بمخابز نجع حمادي بقنا
03 أبريل 2025 11:11 م
أجواء مائلة للحرارة وأمطار خفيفة.. تفاصيل حالة الطقس غدًا الجمعة
03 أبريل 2025 11:10 م
هل يجوز التصالح في الخطأ الطبي بـ"قانون المسؤولية الطبية"؟
03 أبريل 2025 10:45 م
التنمية المحلية: إزالة 500 حالة تعدٍ على الأراضي الزراعية خلال إجازة عيد الفطر
03 أبريل 2025 10:07 م
بعد نشر "تليجراف مصر".. "قاوم" تبرز واقعة مصرع المسن المتحرش بطفلة في الطالبية
03 أبريل 2025 09:47 م
أكثر الكلمات انتشاراً