عمرو أديب: منتخبنا لو راح المونديال هيبقى في المركز 48

الإعلامي عمرو أديب

جاسم حسن

A A

عقب الإعلامي عمرو أديب، على تعادل المنتخب الوطني الأول لكرة القدم مع غينيا بيساو بهدف لكل منهما، في إطار مباريات الجولة الرابعة من تصفيات أفريقيا المؤهلة لنهائيات كأس العالم 2026.

خلال برنامجه "الحكاية"، عبر فضائية "mbc مصر"، مساء الاثنين، قال: “عايزين توصولوا كأس العالم للتمثيل المشرف؟، المغرب كان عينه على الكاس، منتخبنا ده لو راح المونديال هيبقى في المركز 48”.

وانفعل الإعلامي عمرو أديب بسبب أداء منتخب مصر أمام غينيا بيساو الذي وصفه بالسيئ قائلا: "اتحاد الكرة "طموحلس" بيشتغل بالحتة على حلم الوصول للمونديال، مين بيخطط ويدير الكرة في مصر؟.. مين بيختار مدرب المنتخب؟.. يا جماعة هو حلمنا نوصل كأس العالم بس؟.. طيب وبعدين؟.. كل هدفكم توصلوا وتعملوا آداء مشرف؟.. بصوا للمغرب شوفوا عملوا إيه في المونديال اللي فات".

مجموعة الله يسهله

وتابع: "إحنا فعلًا رجعنا بـ نقطة من غينيا بيساو وجاتلنا نقطة في مصر، هوا هييجي إيه أحسن من كده، هل ده مستوى فريق جيد، ده إحنا واقعين في مجموعة أكازيون، إحنا في مجموعة الله يسهله".

واختتم: "يا جماعة مش هنفرح بتذكرة الطيارة لكأس العالم، لازم نعمل حاجة.. هو اتحاد الكرة بيفكر إزاي؟.. أنا هقولكم.. اتحاد الكرة بيفكر يوصل كأس العالم بحسام حسن وبعدين يمشيه ويجيبوا مدرب غيره".

منتخب مصر الإعلامي عمرو أديب الحكاية التعادل مع غينيا بيساو