مرتضى منصور: رفضت 2 مليون دولار للدفاع عن ضحية عمرو دياب (خاص)

مرتضى منصور
محمد فتحي
أكد المستشار مرتضى منصور، تلقيه عرضا من مليونير خليجي بقيمة 2 مليون دولار، لتولي الدفاع عن الشاب أسامة سعد، الذي صفعه عمرو دياب بإحدى الحفلات.
وكشف منصور، خلال تصريحات خاصة لـ"تلسجراف مصر"، أنه رفض تولي الدفاع عن الشاب سعد أسامة مقابل 2 مليون دولار لكنه اعتذر، مشيرا إلى أن القضية لها علاقة بالإخوان.
ولفت إلى أن عمرو دياب فنان كبير له شعبيه كبيرة في الوطن العربي ولكنه أخطأ بتصرف غير أخلاقي في حق أحد معجبيه.
وكان الشاب سعد أسامة قد رد علي تصريحات الناقد الفني طارق الشناوي، التي ادعى خلالها أن الهضبة سيلتقيه بعد ساعات قليلة للتصالح وإنهاء الأزمة دون تدخل قضائي.
أزمة عمرو دياب
ونفى سعد أسامة ما ورد عن الشناوي، وأكد أنه تقدم ببلاغ رسمي ضد عمرو دياب، قائلًا: "هو ليه بيتكلم بلساني؟.. أنا مقولتش إني هتصالح ومش عاوز أتصالح.. أنا عاوز حقي وإن شاء الله هييجي.. لأني طالبت حقي بشتى الطرق".
وأضاف أسامة، خلال حديثه مع "تليجراف مصر": "كل شخص بيتكلم على مزاجه أنا عن نفسي واخد قرار مش هرجع فيه.. أنا اللي بمر بيه محدش يعلم بيه إلا ربنا.. وأمي تعبانة وبتموت وحاطين ليها كانيولا ومعلقة محاليل".
وحكى الشاب سعد عن تعرضه للإيذاء النفسي كلما خرج في الشارع، قائلًا: "أمي تعبانة ونزلتها المستشفى للطوارئ.. الممرضة سابتها بتموت وقالت لي استنى أروح أجيب تليفوني من المكتب عشان أتصور معاك.. هو مش أنت بتاع عمرو دياب؟".
وتابع سعد أسامة وهو في حالة انهيار: "حتى سواق أوبر شافني سألني هو مش أنت اللي اتضربت من عمرو دياب، والسوبر ماركت وغيرهم.. أنا مبقتش عارف أمشي في الشارع.. لو أنا كنت محبط قيراط، الناس خلتني محبط ومتدمر نفسيًا 24 قيراطا.. مش مهم نفسية الواحد ولا الأم اللي بتموت، لأ، المهم ياخدوا اللقطة".
واختتم حديثه: “في ناس معرفهاش بتقرر إنها تقف تسألني في الشارع هتعمل أيه مع عمرو دياب؟.. طب هو هيديك فلوس؟.. طب أنت بما إنك صعيدي هتتصرف معاه ازاي؟!”.

أخبار ذات صلة
حقيقة الإفراج عن "ديلر الملوخية" ببولاق
04 أبريل 2025 05:41 م
انهيار منزل قديم مهجور بمنطقة بحري في الإسكندرية
04 أبريل 2025 05:21 م
وفاة مفاجئة لعضو غرفة طوارئ محافظة الغربية أثناء أداء عمله
04 أبريل 2025 05:19 م
نشوب حريق فى سيارة نقل بشارع الـ 16 بقنا
04 أبريل 2025 05:06 م
إصابة 4 أشخاص إثر تصادم سيارتين على كوبري الجبلاو بقنا
04 أبريل 2025 04:49 م
وفاة طالب حقوق بعد صراع مع المرض بقنا والكلية تنعاه.. ما القصة؟
04 أبريل 2025 04:46 م
قتيل داخل محل "بلاي ستيشن" بحلوان.. الداخلية تكشف الكواليس
04 أبريل 2025 11:40 ص
"مات وسره معاه".. شهود يروون تفاصيل اتهام مسن بالتحرش بطفلة الطالبية
04 أبريل 2025 04:19 م
أكثر الكلمات انتشاراً