شقيق أحمد رفعت: "كان شايل جبل على كتفه"

عبر شقيق اللاعب الراحل أحمد رفعت، عن حزنه الشديد بعد وفاته صباح أمس السبت.

وقال محمد رفعت عبر صفحته الشخصية على الفيس بوك: “أول مرة أكتب وقلبي وعقلي مش مستوعبين اللي بكتبه، أنا النهاردة فقدت روحي والله العظيم روحي، وسندي وضهري أخويا وأبويا كابتن أحمد رفعت”.

وأضاف: “من 17 سنة أبويا رحمه الله عليه، توفي وكان عندي حوالي 12 سنة، ومكنتش حاسس بأي حاجة غير أن أبويا مش هشوفه تاني وهيوحشني، كنت بعيط وقدام الناس كلها بس النهاردة أنا فعلاً أبويا مات لأني معيطش كتير من كتر الألم”.

وتابع: “الدموع منزلتش قدام الناس لأن ضهري اتكسر وقلبي اتعور أخويا كان شايل جبل ع كتفه وأنا مش حاسس بيه أنا بتمني إن أنا اللي أكون مكانه لأني مش هعرف أعمل اللي هو كان بيعمله من حنيه وخوف علينا وحكمته وصبره اللي مش عارف أفسره لحد دلوقتي الشخص ده كان راجل بمعنى الكلمة”.

وأردف: “أنا مش عارف أتكلم بس أنا مش قادر أصدق إني مش هشوفه تاني ولا هسمع صوته تاني أنا نفسي أخويا يرجع تاني يا رب رجعه تاني يارب، طيب لين سهل قريب وكان من الصالحين وخيره كتير أوي”.

وتابع: “با الله عليكم لا تنسوه في دعائكم ولا في صلواتكم والله كان طيب وحنين”.

واختتم: “الحزن باين على الناس كلها إنا لله وإنا اليه راجعون اللهم أجرنا في مصيبتنا اللهم ارحمه واغفر له وثبته عند السؤال واجعل هذه الليلة أسعد لياليه”.