مصطفى شعبان عن حريق لوكيشن "المعلم": عطلنا

عبّر الفنان مصطفى شعبان عن حزنه الشديد بسب الحريق الذي حدث في موقع تصوير مسلسل “المعلم”.

وقال شعبان، خلال لقائه في برنامج “حبر سري”، إن “الحريق عملنا صدمة كبيرة، وكنا خلصنا تصوير ومشينا، وجالي مكالمة إن هناك حريق في الحارة، بعد كده اتقالي إن هي دخلت على الشادر، ودخلت على العمارات، والحمد لله إن محدش حصله حاجة، والناس حالتلهم أثرت فينا”.

سبب حريق لوكيشن مسلسل “المعلم”

وأضاف “مكناش نعرف هنكمل فين، وعملنا جلسات عمل كبيرة ومكثفة، وقدرنا إن إحنا عملنا تحايلات في الدراما، وعطلنا فترة بس، والله أعلم سبب الحريق إيه”.

فيلم “شادر السمك” 

وعن المقارنة بين مسلسل “المعلم” وفيلم “شادر السمك” للفنان الراحل أحمد زكي، قال شعبان، “المقارنات شوفتها قبل رمضان، وبقول إزاي قادر تقيم عمل قبل عرضه، ومش أي حد هيعمل سمك يبقى شادر السمك، ومفيش أي عمل بيتكلم عن تجار السمك، والفيلم من 40 سنة، ومفيش أي وجه مقارنة”.

تحت الوصاية

وتابع “في مسلسل تحت الوصاية كان في جزء فقط من سوق السمك، ومفيش مشكلة إن هي تتعاد وتتعمل بطريقة تاني، وممكن الترويج اللي حصل في المسلسل يبقى إيجابي في أول حلقتين فقط، بعد كده لازم الموضوع يشد المشاهد”.