"هل" أغنية جديدة لـ"شارموفرز" عن فلسطين

كشف فريق "شارموفرز" عن أغنيته الجديدة بعنوان "هل"، التي طرحها اليوم الأربعاء، عبر قناته الرسمية على موقع "يوتيوب" والمنصات الموسيقية. 

وسلّط أعضاء الفريق الضوء على ما يحدث في فلسطين، تحديدا في قطاع غزة منذ أكتوبر الماضي على يد جيش الاحتلال الإسرائيلي. 

الأغنية الجديدة "هل" من كلمات الشاعر محمد الشافعي وألحان أحمد بهاء، وتوزيع الموزع الموسيقي محمد العرقان.

كلمات الأغنية

هل فيه طريقة للرجوع للحياة ؟
بعد الحقيقة وبعد اللي شوفناه 
بعد انعدام الإنسانية والرجوع للجاهلية 
والمشاهد المأساوية وكل اللي عيشناه
هل فيه طريقة نبتسم ونعيش 
والناس هناك يومهم ميعديش 
مع اننا نفس القضية وكلنا نفس الضحية 
الفرق بينا خطوتين يعني المسافة ، مفيش
بعد استماع صوت الاهات 
ع التليفونات رؤيا الوشوش المقهورين 
جوه الشاشات بعد ما عرفنا ألام 
وعيونا بطلت تنام وحضرنا قَتل الأُمنيات
وشوفنا ناس بِقلوب حَجر عُمي النَظر
اخترعوا أسباب للسكات ميهمهومش لا صوت صريخ
ولا صوت عِياط ويهمهم صوت ضحكهم ، وقت الحداد 
هل فيه طريقة للرجوع للحياة 
بعد سمع بُكا البنات ع الأمهات 
وجع الأم وحزنها
خوفها وكسرة قلبها قلة حيلتها وضعفها واملها تحصل معجزات
هل فيه طريقة نبتسم ونعيش 
والناس هناك يومهم ميعديش 
مع اننا نفس القضية وكلنا نفس الضحية 
والفرق بينا خطوتين يعني المسافة مفيش
بس احنا برضه مؤمنين بالله مين يهزم اللي ربه واقف معاه 
هنشوف على وشوشهم ف يوم نفس الألم نفس الوجع والكسرة 
والخوف والهموم والفرق بينا اننا 
مِسلمين لربنا ووعده لينا اننا هنقوووم

"شارموفرز" طرح مؤخرا أيضا أغنية بعنوان "شقلبتي روتيني"، من كلمات وألحان أحمد بهاء، موسيقى وتوزيع محمد العرقان ومحمد الفاره.